YAWHAN 4:23 - Jinghpaw Common Language Bible 2009

²³ Rai ti mung nawku ai ni gaw Wa hpe Karai Kasang a Wenyi n-gun atsam hte teng man ai hku nawku na ahkying gaw du wa na ra ai rai nna, ya e pyi du ra ai. Wa gaw shing rai nawku ai ni hpe ra sharawng nga ai.

Jinghpaw Hanson Version Bible

²³ Rai timung, tengman ai hku nawku ai ni gaw, wenyi hta mung, tengman ai hta mung, Wa hpe nawku na aten gaw, du wa ra ai rai nna, ya e pyi rai nga ai: Wa gaw shing rai nawku ai ni hpe tam nga ai.

YAWHAN 4:23 ပူးပေါင်းရင်းမြစ်များ

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

SHAKAWN KUNGDAWN 147:11

Rai ti mung, shi hpe shagrau sha-a ai ni hte shi a dinggrin tsaw ra myit hta kam hpa nga ai ni hpe shi ra sharawng nga ai.

SHAKAWN KUNGDAWN 17:1

Madu e, teng man ai lam a matu, nye a hpyi nem ai ga hpe madat ya e; karum la na matu, nye a jahtau tsun ai nsen hpe na la ya e! Nye a ding man ai akyu hpyi ga hpe madat ya e.

SHAKAWN KUNGDAWN 32:2

Shut hpyit ai amu hta na dai Madu e mara shagun n hkrum ai hte, masu magaw lam yawng hta na lawt lu ai wa gaw a nga ai.

SHAKAWN KUNGDAWN 51:6

Nang gaw myit malang ai hte teng man ai lam hpe hpyi nga ndai majaw; nye a kraw lawang hta na a hpaji hte jahpring ya e.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

Shawlumon A Mahkawn Ga 2:14

Nang gaw lungkrawp hkan makoi nga ai hkrudu zawn rai nga ndai. Tsaw ra mai ai na a myi man ngai mu lu n-ga; na a ngwi ngawn ai nsen hpe na lu n-ga law.

ESAIA 10:20

Naw ngam nga ai Israela amyu masha ni gaw shanhte hpe ganoi jahten kau sai amyu baw a ntsa e loi mi mung shamyet shanat n ra ai aten du wa nga sai. Shanhte gaw dai Madu Israela a chyoi pra ai Karai Kasang hpe kam hpa wa na mara ai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 43:21

Shanhte gaw nye a matu ngai lata san da ai amyu masha ni rai ma ai, shanhte gaw nye a shakawn kungdawn ga ni hpe mahkawn na mara ai!,” ngu nna tsun ai.

ESAIA 58:2

Shanhte gaw ngai hpe shani shagu nawku ma ai, shanhte gaw nye a lam ni hpe chye na matu hte nye a tara ni madat mara na matu grai sharawng ma ai lam tsun ma ai. Shanhte gaw shanhte hpe teng man ai tara ni jaw ya na matu hte ngai hpe nawku ai hta shanhte awng sharawng nga ai lam tsun ma ai,” ngu nna tsun ai.

YEREMIA 3:10

Ndai amu ni yawng ngut boi ai hpang, Israela a sadi n dung ai kana, Yuda chyu sha ngai hpang de nhtang wa na matu jahpai chyai nga ai; shi gaw myit matu n ding nga ai. Dai Madu ngai nan tsun ni ai.”

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

EZEKELA 22:30

Nye a masin kahtet ai gaw dai mung hpe jahten kau na matu hkyen nga ai shaloi, ngai gaw bunghku gaw gap lu na masha langai ngai, daw agrawp mat sai bunghku shara ni hta tsap lu ai masha langai ngai hte mungdan hpe makawp maga lu ai masha langai ngai hpe tam yu nngai, rai ti mung ngai gaw kadai hpe mung n mu nngai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 12:23

Yesu gaw, “Masha Kasha a hpung shingkang dan hkung na ahkying du wa ra ai.

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

YAWHAN 16:32

Yu mu, nanhte yawng bra mat nna, langai hte langai tinang a nta de wa mat nhtawm, ngai hpe hkrai sha kau da na ahkying gaw du wa ra ai rai nna, ya pyi du ra ai. Rai ti mung ngai gaw kaja wa ngai hkrai sha rai nga nngai n rai, hpa majaw nga yang Wa gaw ngai hte rau rai nga ai.

YAWHAN 4:21

Yesu gaw, “Numsha e, ngai hpe kam u, ndai bum e mung, Yerusalem mare e mung, masha ni Wa hpe n nawku na aten du wa na ra ai.

YAWHAN 5:25

Ngai nanhte hpe teng teng tsun made ga, si nga ai ni gaw Karai Kasang a Kasha a nsen na lu na ahkying du wa ra ai rai nna dai ahkying gaw ya e pyi rai nga ai. Dai hpe na la ai ni mung asak hkrung nga na mara ai.

YAWHAN 5:28

Ndai lam hpe nanhte hkum mau myit, masha jasi ni nlang hte gaw shi a nsen na nna shanhte a lup ni hta na pru wa na ahkying du na ra ai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

ROMA 8:26

Dai hte maren dai Wenyi mung anhte a gawng kya ai lam hpe karum ya na matu du sa ai; hpa majaw nga yang anhte gara hku kaning ngu akyu hpyi mai na lam n chye ga ai; dai Wenyi nan anhte a n-gup aga hte n hkawn n tsun lu ai kraw kata e madai nga ai hte anhte a matu hpyi htinglu ya mi ai.

GALATI 4:6

Ya nanhte gaw Karai Kasang a kasha ni rai nga ai hpe sakse madun na matu “Wa e, nye Wa e,” nga nna shaga chye ai shi a kasha a Wenyi hpe anhte a kraw lawang kata de shangun dat nu ai.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 SAMUELA 12:24

Dai Madu a ga hpe madat mara nna, na a myit masin mahkra hte sadi sahka let shi hpe daw jau nga mu; nanhte a matu shi galaw dan nu ai amu kaba hpe adum nga mu.