YAWHAN 4:22 - Jinghpaw Common Language Bible 2009

²² Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

Jinghpaw Hanson Version Bible

²² Nanhte gaw tinang n chye ai hpe nawku myit dai; anhte chyawm gaw tinang chye ai hpe nawku ga ai: kaning rai nme law, hkye hkrang la ai lam gaw, Yuda amyu hta na rai nga ai.

YAWHAN 4:22 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

EZRA 4:2

Dai rai nna shanhte gaw Zerubabela hte amyu lakung ni a ningbaw ni hpe sa jahkrum nhtawm, “Anhte gaw ndai Nawku Htingnu gaw gap ai amu hta nanhte hte rau galaw lu mi ga. Anhte gaw nanhte nawku ai Karai Kasang hpe sha nawku ga ai. Anhte hpe ndai yang e nga na matu shangun dat ai Asuri Hkawseng Esahadon a prat kaw nna shi hpe shagu hkungga ni nawng ya saga ai,” ngu nna tsun ma ai.

SHAKAWN KUNGDAWN 147:19

Shi gaw shi a amyu masha ni hpang de, shi a mungga hte shi a sharin achyin ai matsun mungga hte tara ni hpe Israela amyu masha ni hpang de jaw ya nga ai.

SHAKAWN KUNGDAWN 68:20

Anhte a Karai Kasang gaw hkye hkrang la ai Karai Kasang rai nga ai; shi gaw Madu rai nga nna, si hkrung si htan a lata kaw nna mawai la ai anhte a Madu rai nga ai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

KASA 17:23

Hpa majaw nga yang, nanhte a mare hpe ngai ga lai hkawm wa nna, nanhte nawku ai shara ni hpe mada yu yang, ‘N chye gaw ai Karai wa a matu,’ nga nna ka tawn ai hkungri langai mi mung, ngai mu hkrup we ai. Dai nanhte n chye let nawku ai wa a lam ngai nanhte hpe hkai dan made ga.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

ROMA 11:18

Dai rai nna, nanhte gaw gyi kau sai lakung lakying hte bung ai shanhte hpe yu kaji nna gumrawng gumtawng hkum rai myit, nanhte gara hku nna gumrawng gumtawng rai lu na myit ta? Dai rai nna nanhte gaw aru hpe madi shadaw ai ni n rai, aru mahtang nanhte hpe madi shadaw ya nga ai.

HEBRE 7:14

Shi gaw Yuda amyu hta na shangai wa sai hpe yawng chye nga ai; Mawshe gaw hkinjawng ni hte seng nna tsun ai shaloi Yuda amyu ru sai a lam hpa mung n tsun da nga ai.