YAWHAN 4:20 - Jinghpaw Common Language Bible 2009

²⁰ Nye a Samari jiwa ni gaw ndai Gerizim bum ntsa e Karai Kasang hpe nawku ga ma ai, rai ti mung nanhte Yuda masha ni gaw, Yerusalem mare kaw chyu sha Karai Kasang hpe nawku mai ai shara re, nga nna tsun ga myit dai,” ngu wu ai.

Jinghpaw Hanson Version Bible

²⁰ anhte a ji wa ni gaw ndai bum e nawku ga ma ai; nanhte chyawm gaw, nawku mai ai shara, Yerusalem mare e sha rai nga ai, nga nna tsun ga myit dai,” ngu wu ai.

YAWHAN 4:20 ပူးပေါင်းရင်းမြစ်များ

TARA JAHPRANG 27:12

“Nanhte Yawdan hka rap kawt ai hpang, amyu masha ni hpe shaman ga tsun ai shaloi, Gerizim Bum ntsa e tsap na amyu bawsang ni gaw Simun, Lewi, Yisahka, Yosep hte Benyamin ni rai nga ai.

TARA JAHPRANG 11:29

Dai Madu gaw nanhte madu la na mungdan de woi shang wa myit dai shaloi, shaman chyeju hpe Gerizim bum kaw nna, dagam dala ai lam hpe Ebala bum kaw nna, nanhte tsun shana na rai myit dai.

2 HKAWHKAM LABAU 7:12

dai Madu gaw shana e shi kaw dan pru wu ai. Shi gaw Shawlumon hpe, “Na a akyu hpyi ga hpe ngai na ni ai; ndai Nawku Htingnu hpe nye a matu shagu hkungga ni nawng ya ai shara shatai na ngai hkap la nngai.

LUKA 9:53

Rai ti mung, Madu Yesu gaw Yerusalem mare de sa wa nga ai lam dan leng nga ai majaw, kahtawng masha ni shi hpe n hkap la ma ai.

SHAKAWN KUNGDAWN 132:13

Dai Madu gaw Ziun hpe lata la nu ai; dai mare hpe shi a shanu shara shi galaw mayu nga ai rai nna,

SHAKAWN KUNGDAWN 78:68

De a malai, Yuda a amyu baw masha ni hte, shi grau tsaw ra ai Ziun Bum hpe lata la nu ai.

2 HKAWHKAM LABAU 7:16

hpa majaw nga yang, ndai lam hpe ngai lata la ni ai rai nna htani htana ngai hpe nawku na shara hku dai hpe ap nawng da nga sai. Dai rai nna dai hpe ngai sin yu let aten shagu dai hpe makawp maga na we ai.

2 HKAWHKAM LABAU 6:6

Rai ti mung, ya chyawm gaw ngai nawku daw jau hkam na matu, Yerusalem hpe mung, nye a amyu masha ni hpe up hkang na matu nang Dawi hpe mung ngai lata la ni ai,” ngu nna tsun wu ai.

1 HKAWHKAM LABAU 22:1

Dai rai nna Dawi gaw, “Ndai shara gaw Madu Karai Kasang a Nawku Htingnu gap na shara tai na ra ai. Tawn hkungri nga ai ndai yang gaw Israela amyu masha ni wan nat hkungga nawng ya na shara tai na ra ai,” ngu nna tsun wu ai.

1 HKAWHKAM LABAU 21:26

Dai yang e, dai Madu a matu tawn hkungri langai galaw nna wan nat hkungga hte mahku hkungga ni hpe nawng jau ya wu ai. Dai Madu mung sumsing lamu kaw nna wan jahkrat dat nhtawm hkungri ntsa na shagu hkungga ni hpe hkru kau ya let, shi a akyu hpyi ga hpe htan ya wu ai.

1 HKAWHKAM 9:3

Shaloi dai Madu gaw shi hpe, “Na a akyu hpyi ga hpe ngai na se ai. Ngai hpe htani htana nawku na shara hta nang gap nit dai ndai Nawku Htingnu hpe ngai shachyoi shapra se ai. Dai hpe ngai sin yu nhtawm prat dingsa makawp maga na nngai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

YAWHAN 4:12

Anhte a Jiwa Yaku gaw ndai hka htung anhte hpe jaw da mani ai rai nna, shi hte shi a kashu kasha ni, shi a yam nga hpung ni yawng ndai hta na lu masai. Nang gaw Jiwa Yaku hta grau kaba n ni?,” ngu nna shi hpe tsun wu ai.