YAWHAN 4:14 - Jinghpaw Common Language Bible 2009

¹⁴ Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

Jinghpaw Hanson Version Bible

¹⁴ dai ngai jaw ai ntsin gaw, dai wa hta htani htana asak a matu lwi pru ai hka hpawk tai na ra ai,” ngu nna shi hpe htan wu ai.

YAWHAN 4:14 ပူးပေါင်းရင်းမြစ်များ

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

ESAIA 55:1

Dai Madu gaw, “Hpang gara ai ni e, sa marit- ndai yang e hka nga nga ai! Gumhpraw n lu ai ni e, sa marit- nsi naisi mari nna sha mu! Sa marit, sabyi ntsin hte nga chyu mari lu mu- dai gaw manu jahpu hpa mung n hkrat ra nga ai!

ESAIA 58:11

Ngai gaw nang hpe tut nawng woi lakawn nna mai kaja ai arai ni hte nang hpe myit shadik ya na nngai. Ngai gaw nang hpe n-gun shaja ya nna hkam kaja shangun na nngai. Nang gaw hka n taw n tsang rawng ai sun hte galoi mung n hkyet mat ai hka hpawk langai zawn tai na ndai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

YEREMIA 31:25

Ngai gaw hki ba hkrum ai ni hpe n-gun nnan awai ya nhtawm kawsi hpang gara hkrum nna n-gun kya nga ai masha shagu hte hpe lusha hte jahkru shakat ya na nngai.

EZEKELA 47:9

Hka dai lwi ai shara shagu hta dusat dumyeng hte nga hkum sumhpa yawng rawng nga na ra ai. Hka dai gaw Jum Nawng hpe mu shangun nna, shi lwi mat wa ai shara shagu hkan asak hkrung nga na mara ai.

JAW JAU 11:36

Rai ti mung hka hpawk, hka lawng ni gaw naw san seng nga ai; si mang hkra hkrup ai arai chyu sha n san n seng nga ai.

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

MAHTE 5:6

“Karai Kasang a myit ra ai hte maren hkan sa galaw na matu ra sharawng dik ai myit ngu ai ding hpring ai hpe kawsi hpang gara ai ni gaw a lu ma ai; hpa majaw nga yang, Karai Kasang gaw shanhte hpe myit dik hkru kat hkra jaw na maru ai!

YAWHAN 10:10

Lagut gaw, lagu na, sat na, hpya sha na, nga nna she sa ai. Ngai chyawm gaw, sagu ni asak hkrung lu na hte dai asak hpe nhpaw n-ya lu la mu ga ngu nna sa ring ngai.

YAWHAN 11:26

Asak hkrung nna ngai hpe kam sham ai wa kadai mung, si ai galoi n hkrum na ra ai. Ga ndai hpe nang kam n ni?,” ngu nna shi hpe san wu ai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

YAWHAN 4:11

Dai numsha mung, “Madu e, nang ntsin ja na rai hpa mung n lu ndai, hka htung mung sung nga ai. Dai majaw, nang kanang na dai asak jahkrung ya ai ntsin lu la na n ta?

YAWHAN 4:13

Yesu gaw ntsin ndai lu ai wa kadai mung, hpang bai gara na ra ai.

YAWHAN 4:36

Dan ai wa gaw shabrai lu la nna, htani htana asak hte seng ai nsi naisi shu la lu ai. Dai rai nna gat ai wa hte dan ai wa rau sha kabu lu ma ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

YAWHAN 6:35

Yesu gaw, “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kam sham ai wa mung, galoi mung hpang gara hkrum na n rai.

YAWHAN 6:58

Da ndai gaw, sumsing lamu de nna yu wa ai muk rai nga ai; nji nwa ni sha nna si wa ai muk zawn n rai nga ai. Ndai muk sha ai wa gaw, htani htana asak hkrung nga na ra ai,” ngu nna shanhte hpe tsun mu ai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

ROMA 5:21

Dai rai nna yubak mara gaw si hkrung si htan hte up hkang nga ai hte maren anhte a matu Yesu Hkristu a marang e anhte hpe htani htana asak lu la shangun hkra Karai Kasang a chyeju gaw ding hpring ai hte up hkang nga mi ai.

ROMA 6:23

Hpa majaw nga yang yubak a shabrai gaw si mat ai rai nga ai, rai ti mung Karai Kasang a chyeju kumhpa chyawm gaw anhte a Madu Hkristu hte langai sha rai nga ga ai majaw lu la ai htani htana asak nan rai nga ai.

2 KORINHTU 1:22

Karai Kasang shi nan anhte hpe kaga san di lata la nna, shi a amyu masha ni re ai lam masat dazik dawk shakap da mani ai hte, du na ra ai ten hta anhte hkam la na chyeju nlang a matu hkam dahka galaw ai hku nna anhte a myit masin ni hta dai chyoi pra ai Wenyi ru jaw bang ya mi ai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.

SHINGRAN 7:16

Shanhte gaw galoi mung kawsi hpang gara n hkrum na masai. Jan a shingna mung, hpa kang kahtet ai mung shanhte hpe hkru kau lu na n rai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.