YAWHAN 4:11 - Jinghpaw Common Language Bible 2009

¹¹ Dai numsha mung, “Madu e, nang ntsin ja na rai hpa mung n lu ndai, hka htung mung sung nga ai. Dai majaw, nang kanang na dai asak jahkrung ya ai ntsin lu la na n ta?

Jinghpaw Hanson Version Bible

¹¹ Dai numsha mung, “Madu e, nang ntsin ja na rai hpa mung n lu ndai, hka htung mung sung nga ai; dai re ai majaw dai hkrung ai ntsin gaw, nang kanang na lu n ta?

YAWHAN 4:11 ပူးပေါင်းရင်းမြစ်များ

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

YAWHAN 3:4

Nikodi gaw, “Asak kaba sai masha langai mi gaw kaning rai bai shangai lu na a ta? Kanu a hkritung de bai shang nna shangai lu na a ni?,” ngu nna san wu ai.

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

KASA 10:14

Petru chyawm gaw, “Madu e, gara hku mung n mai byin na re, n sha mai ai hte n san ai arai hpe, ngai galoi mung n sha yu nngai,” ngu nna htan wu ai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.