YAWHAN 4:10 - Jinghpaw Common Language Bible 2009

¹⁰ Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

Jinghpaw Hanson Version Bible

¹⁰ Shaloi Yesu gaw, Karai Kasang a kumhpa hte, “Ngai hpe ntsin jaw lu e, nga nna nang kaw hpyi ai wa hpe, nang chye wu taw gaw, nang shi kaw hpyi nna, shi gaw nang hpe hkrung ai ntsin jaw na nit dai,” ngu nna shi hpe htan wu ai.

YAWHAN 4:10 ပူးပေါင်းရင်းမြစ်များ

SHAKAWN KUNGDAWN 10:17

O Madu e, grit nem ai ni a akyu hpyi ga ni hpe nang madat ya na rin dai; nang gaw shanhte hpe nden marai jaw ya na ra ai.

SHAKAWN KUNGDAWN 46:4

Karai Kasang a mare ngu ai, Tsaw Htum Ai Wa a chyoi pra ai nta hpe kabu gara shangun ai hka nu langai mi nga nga ai.

PRU MAT 17:6

Ngai gaw Sina Bum ntsa na lunghkrung langai a ntsa, na a man e tsap nga na nngai. Dai hpang lunghkrung hpe kayat dat u; shaloi amyu masha ni lu na ntsin dai kaw na lwi pru wa na ra ai,” ngu nna tsun wu ai. Mawshe gaw Israela ningbaw ni a man e shing di galaw wu ai.

Shawlumon A Mahkawn Ga 4:15

Hka hpawk ni lwi nga ai hka shi ni hte Lebanon bum ni kaw nna kahpawk pru wa ai hka shi, hka wam ni dai sun hpe hka jaw ma ai.

ESAIA 12:3

Mu ai hka gaw hpang gara ai wa hpe kabu gara lam jaw ya nga ai zawn, shi shanhte hpe hkye la ai shaloi Karai Kasang a amyu masha ni kabu gara ma ai,” ngu mahkawn na nhtoi du wa nga sai.

ESAIA 35:6

Lagaw hten ai wa gaw gumlawt ai hte ka manawt na ra ai, ma-a ai wa gaw kabu gara jahtau na ra ai. Hka shi ni zaibru jang hku lwi wa na mara ai;

ESAIA 42:6

“Ginding aga ntsa e teng man rap ra ai tara amu galaw nga ai hpe mu lu na matu, dai Madu ngai nan nang hpe shaga la nna daru magam n-gun jaw ni ai. Ngai gaw amyu masha ni yawng hte nang hku nna sha ga shaka tawn da na nngai; ngai gaw masha amyu baw ni hpang de nang hku nna sha nhtoi shapraw dan na we ai.

ESAIA 43:20

Zaibru jang hta hka nu ni hpe shalwi dat nna lata la hkrum ai nye a amyu masha ni hpe hka jaw ai shaloi, matse labye dusat ni pyi ngai hpe shagrau sha-a nna gwi ma-a ni hte gawla-uk u ni ngai hpe shakawn kungdawn na mara ai.

ESAIA 44:3

“Ngai gaw hpang gara ai lamu ga hpe ntsin jaw na nngai; hkun hkraw ai lamu ga ntsa e hka shi ni hpe shalwi dat na nngai. Ngai gaw nanhte a kashu kasha ni a ntsa de nye a wenyi ru bun na nngai; na a aru arat ni a ntsa de nye a shaman chyeju ru jaw na nngai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

EZEKELA 16:35

Dai rai nna, Yerusalem e, nang gaw shawa num rai nga ndai! Dai Madu tsun nga ai ga na la u.

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

ZEHKARIA 14:8

Dai nhtoi du jang, asak hka gaw Yerusalem kaw nna lwi pru wa na ra ai; dai hka ka-ang hkup gaw Jum Nawng de, de a ka-ang hkup gaw Ka-ang Panglai de ang wa na ra ai. Hka dai gaw ginhtawng ta e mung, lanam ta e mung shaning tup lwi nga na ra ai.

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

YAWHAN 16:3

Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 3:16

Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha htani htana asak lu la mu ga nga, Karai Kasang gaw shi a kasha shingtai hpe jaw kau ai kaw du hkra mungkan ga hpe grai tsaw ra wu ai.

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

YAWHAN 6:35

Yesu gaw, “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kam sham ai wa mung, galoi mung hpang gara hkrum na n rai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

KASA 9:11

Dai Madu bai tsun wu ai gaw, “Nang shajin la nhtawm Lam Ding ngu ai mare lam de sa nna Yuda ngu ai wa a nta e Tarshu mare na Shawlu ngu ai wa hpe sa tam su! Yu u, shi akyu hpyi nga ai rai nna,

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 10:4

Shanhte kaw hkan nang nga ai Wenyi lunghkrung kaw na ntsin lu lu ma ai. Dai Wenyi lunghkrung chyawm gaw Hkristu nan rai nga ai.

2 KORINHTU 9:15

Manu sawn n dang lu ai Karai Kasang a chyeju kumhpaw kumhpa a majaw shi hpe chyeju shakawn nga ga law!

EHPESU 2:8

Hpa majaw nga yang, nanhte gaw makam masham a marang e Karai Kasang a chyeju hte sha hkye hkrang la ai hkrum manit dai; dai gaw nanhte nan shakut shaja ai majaw n rai, Karai Kasang a kumhpaw kumhpa sha rai nga ai.

HEBRE 6:4

Hpa majaw nga yang, dai makam masham kaw na htak mat wa sai ni hpe myit malai kalang mi bai lu shangun na lam kaning rai mai byin na kun? Shanhte gaw Karai Kasang a nhtoi hta kalang mi nga yu sai rai nna sumsing na chyeju kumhpa hpe chyim yu sai hte dai Chyoi Pra ai Wenyi hpe jawm hkam la yu sai ni rai ma ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.