YAWHAN 4:1 - Jinghpaw Common Language Bible 2009

¹ Yesu gaw Yawhan hta grau law ai masha ni hpe hkalup jaw nna sape shatai la nga ai lam Hparishe ni na ma ai. (

Jinghpaw Hanson Version Bible

¹ Yesu gaw shi hkum nan baptisma n jaw timung, shi a sape ni jaw ma ai rai nna,

YAWHAN 4:1 ပူးပေါင်းရင်းမြစ်များ

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

LUKA 19:31

Masha langai ngai, ‘Dai hpa di raw nga myit ta?,’ nga nna nan hpe san wa yang, ‘Madu dai hpe ra ai da,’ ngu nna htan mu,” ngu nna matsun dat mu ai.

LUKA 19:34

Shan gaw, “Madu dai hpe ra ai da,” ngu nna htan mu ai.

LUKA 2:11

Dai ni na nhtoi hta Hkye Hkrang La ai Wa Hkristu ngu ai Madu gaw, Dawi a mare e nanhte a matu shangai wa sai.

LUKA 7:13

Madu gaw, dai gaida jan hpe mu jang, shi hpe matsan yu dum nna, “Hkum hkrap et,” shi hpe ngu wu ai.

LUKA 7:19

Yawhan gaw, shi a sape lahkawng hpe shaga la nhtawm, dai Madu hpang de shangun dat nna, “Nang gaw Yawhan tsun ai dai du sa na ra ai wa rai nga n ni?,” ngu nna san dat wu ai. “Shing n rai kaga hpe anhte naw myit mada lu na rai nga a ni?,” ngu nna shi hpe san mu ai.

YAWHAN 3:22

Dai hpang Yesu gaw shi a sape ni hte rau Yuda mung hkan e du hkawm ma ai rai nna, dai yang e shanhte hte rau hkring nga nna hkalup jaw wu ai.

YAWHAN 3:26

Dai rai nna shanhte gaw Yawhan hpang de sa nhtawm, “Rabai e, Yawdan hka sinpraw hkran maga e nang hte rau nga yu ai, nang sakse hkam ya ai wa hpe nang dum ai n rai i? Rai sa, ya shi hkalup jaw nga ai rai nna, yawng mayawng shi hpang de du sa ma ai!,” ngu nna shi hpe tsun dan mu ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

1 KORINHTU 1:17

Hpa majaw nga yang, Hkristu ngai hpe shangun dat ai gaw hka lup jaw na matu n rai. Dai Kabu Gara Shiga hkaw tsun dan na matu she, Hkristu gaw ngai hpe shangun dat ni ai: rai ti mung, Hkristu a wudang ntsa e si hkam ai lam a n-gun atsam gaw kaman lila n rai mat u ga, masha a n-gup hpaji atsam hpe n lang ai sha hkaw tsun dan nngai.

1 KORINHTU 15:47

Shawng na masha Adam gaw ga hte hpan da ai rai nna, dinghta ga na rai nga ai; hpang na Adam chyawm gaw sumsing lamu na du sa ai rai nga ai.

1 KORINHTU 2:8

Mungkan a du hkawhkam ni hta na kadai wa mung ndai hpaji byeng-ya hpe chye ma ai n rai; chye taw gaw, hpung shingkang rawng ai Madu hpe shanhte wudang hta jen da na ma ai n rai.

2 KORINHTU 4:5

Hpa majaw nga yang, anhte gaw, anhte a lam hkaw dan ga ai n rai, Yesu Hkristu gaw Madu rai nga ai lam, anhte gaw Yesu a marang e nanhte a shangun ma ni rai nga ga ai lam hkaw dan ga ai.

YAKU 2:1

Nye a hpu nau ni e, nanhte gaw hpung shingkang rawng ai Madu anhte a Madu Yesu Hkristu hpe kam sham ai ni re ai hte maren, masha ni hpe shinggan lam hku mu mada da ai hta hkan nna langai hte langai hpe shai ai hku galoi mung hkum kanawn mazum nga myit.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.