YAWHAN 3:8 - Jinghpaw Common Language Bible 2009

⁸ Nbung gaw bung wa mayu ai de bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.

Jinghpaw Hanson Version Bible

⁸ Nbung gaw bung wa mayu ai de bung wa nna, de a wu ai nsen hpe nang na dat wu timung, kanang na bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.

YAWHAN 3:8 ပူးပေါင်းရင်းမြစ်များ

SHAKAWN KUNGDAWN 107:25

Shi hkang dat ai shaloi, nbung laru ru wa nna; hka leng ni rawt kabrawng wa nga ai.

SHAKAWN KUNGDAWN 107:29

Nbung laru hpe shi shazim kau ai hte, hka leng ni mung sim mat ma ai.

SHAKAWN KUNGDAWN 135:7

Mungkan ga a jahtum shara kaw nna laru sumwi ni hpe shi sharawt dat nna; nbung laru a matu myi hprap wan gala ya ai hte shi a dum kata kaw nna, nbung hpe mung shapraw dat wu ai.

HPAJI NINGLI 1:6

Nbung gaw dingda de bung dat, dingdung de bung dat rai kayin bung bung rai nga ai.

EZEKELA 37:9

Karai Kasang gaw ngai hpe, “Si chye ai masha wa e, nbung hpe myihtoi htoi u. Dai nbung gaw mungkan man shagu de nna bung wa nhtawm ndai si mang ni a kata de nsoi nsa bang ya nna shanhte asak bai hkrung wa lu mu ga, Tsaw Htum ai dai Madu hkang da ai hte maren, nbung hpe tsun u,” ngu nna tsun wu ai.

YAWHAN 1:13

Shanhte gaw shingra maka tara hkan nna shinggyim kawa a kasha ni tai ai hku Karai Kasang a kasha ni tai wa ma ai n rai, Karai Kasang e nan, kasha shatai la hkrum ai ni she rai ma ai.

YAWHAN 3:7

Nanhte yawng ntsa de nna shangai lu na myit dai ngu nna ngai tsun ai hpe hkum mau et.

YAWHAN 3:9

Shaloi Nikodi gaw, “Dai gaw kaning rai byin lu na a ta?,” ngu nna bai san wu ai.

KASA 2:2

Shaloi lamu de na nbung laru kaba wa ai zawn, akajawng sha ngoi kadu pru nna shanhte rawng nga ai nta ting hpring chyat rai wa ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna shanhte nlang hte hta Chyoi Pra ai Wenyi hpring wa ai hte Karai Kasang a mungga hpe nden ja ai myit hte tsun dan hpang wa ma ai.

1 KORINHTU 12:11

Rai ti mung dai chyeju atsam yawng mayawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, shi gaw langai hte langai hpe laklai ai chyeju atsam kumhpa kaga ga garan kachyan shagu wu ai.

1 KORINHTU 2:11

Masha langai mi a lam nga manga hpe dai wa a kata hta rawng ai shi nan a wenyi chyu sha chye lu nga ai, dai hte maren Karai Kasang a Wenyi chyu sha Karai Kasang a lam chye lu nga ai.

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.