YAWHAN 3:5 - Jinghpaw Common Language Bible 2009

⁵ Yesu gaw, “Ngai nang hpe kaja wa teng teng tsun de ga, hka hte Wenyi e n shangai ai masha gaw, Karai Kasang a Mungdan hta shang lu na n rai.

Jinghpaw Hanson Version Bible

⁵ Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

YAWHAN 3:5 ပူးပေါင်းရင်းမြစ်များ

MAHTE 18:3

“Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

MAHTE 19:24

Bai, ngai nanhte hpe tsun made ga, samyit na hku gawla-uk gale na gaw naw loi na re, sutgan lu su ai wa Karai Kasang a Mungdan hta shang na mahtang grau yak la nga ai,” ngu tsun wu ai.

MAHTE 21:31

Dai yan hta na kadai wa mahtang kawa a ra ai lam hpe hkan galaw ma ta?,” ngu nna san mu ai. Shanhte gaw, “Kasha kaba ai wa rai nga ai,” ngu mu ai. Dai rai nna Yesu gaw, “Ngai nanhte hpe teng teng tsun made ga, kang hta ai ni hte shawa num ni, nanhte a shawng e, Karai Kasang a Mungdan hta shang ma ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

MAHTE 5:20

Dai rai nna, ngai nanhte hpe tsun made ai gaw, Karai Kasang a myit ra ai lam hpe hkan sa galaw ai lam hta Hparishe ni hte tara sara ni hta n grau malit yang gaw, sumsing lamu a mungdan hta nanhte shang lu na myit dai n rai.

MARKU 10:14

Yesu dai hpe mu yang, myit yu pawt nga ai rai nna, “Ma ni hpe ngai hpang de sa shangun maru, shanhte hpe hkum jahkring shingdang da myit, hpa majaw nga yang, Karai Kasang a mungdan gaw, dai zawn re ai ni a mungdan rai nga ai.

MARKU 16:16

Kam sham nna hkalup hkam la ai wa kadai mung hkye hkrang la ai hkrum na ra ai. N kam n sham ai wa kadai mung daw dan kau ai hkrum na ra ai.

MARKU 9:47

Na a myi gaw, na a makam masham hpe myit kataw shangun a yang gaw, dai hpe malawk kau u! Myi lahkawng maga ahkum ara hte ngarai mung de jahkrat kau ai hkrum na hta, myi maga mi n hkum ai hte Karai Kasang a mungdan de shang na gaw grau mai nga ai.

LUKA 13:24

Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.

LUKA 13:3

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, nanhte yawng shanhte zawn si wa na marin dai.

LUKA 13:5

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, shanhte zawn, yawng si wa na marin dai,” ngu mu ai.

YAWHAN 1:13

Shanhte gaw shingra maka tara hkan nna shinggyim kawa a kasha ni tai ai hku Karai Kasang a kasha ni tai wa ma ai n rai, Karai Kasang e nan, kasha shatai la hkrum ai ni she rai ma ai.

YAWHAN 3:3

Yesu gaw, “Ngai nang hpe kaja wa teng teng tsun de ga, ntsa de nna n shangai ai masha gaw, Karai Kasang a Mungdan mu lu na n rai,” ngu nna shi hpe htan wu ai.

YAWHAN 3:4

Nikodi gaw, “Asak kaba sai masha langai mi gaw kaning rai bai shangai lu na a ta? Kanu a hkritung de bai shang nna shangai lu na a ni?,” ngu nna san wu ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

1 KORINHTU 15:50

Hpu nau ni e, ngai nanhte hpe tsun mayu ai lam gaw, asai yan ashan hte rai nga ai masha gaw, Karai Kasang a mungdan a sali wunli n dagraw la lu ai hte hten mat chye ai gaw n hten n mat chye ai sali wunli hpe madu lu na n rai.

1 KORINHTU 2:12

Anhte chyawm gaw ndai mungkan hte seng ai wenyi hpe hkam la saga ai n rai, Karai Kasang anhte hpe jaw da ai chyeju nlang hte hpe lu la u ga, Karai Kasang e shangun dat ai Wenyi hpe hkam la saga ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

GALATI 6:15

Marai langai ngai gaw matu gadoi hkam ai lam rai ti mung, n hkam ai lam rai ti mung ahkyak madung n rai; ningnan hpan da hkrum ai wa tai na she ahkyak madung rai nga ai.

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.

1 YAWHAN 5:1

Yesu gaw Meshia rai nga ai nga nna kam sham ai wa kadai rai ti mung, Karai Kasang a kashu kasha rai nga ai rai nna dai kawa hpe tsaw ra ai wa kadai rai ti mung, kasha wa hpe mung tsaw ra wu ai.