YAWHAN 3:2 - Jinghpaw Common Language Bible 2009

² Dai wa gaw shana e Yesu kaw sa nna, “Rabai e, nang gaw Karai Kasang e shangun dat ai sara langai mi rai nga ndai hpe anhte chye ga ai. Nang dan ai lamik kumla ni gaw, Karai Kasang n lawm yang gaw kadai mung n galaw lu ai,” ngu nna shi hpe tsun wu ai.

Jinghpaw Hanson Version Bible

² dai wa gaw shana e Yesu kaw sa nna, “Rabai e, nang gaw Karai Kasang kaw nna du sa ai sara rai nga ndai hpe, anhte chye ga ai: nang dan ai lamik kumla ni gaw, Karai Kasang n lawm yang gaw, kadai mung n galaw lu ai,” ngu nna shi hpe tsun wu ai.

YAWHAN 3:2 ပူးပေါင်းရင်းမြစ်များ

1 HKAWHKAM 17:24

Shi mung, “Nang gaw Karai Kasang a masha rai nga ndai mung, dai Madu gaw nang hku nna teng teng ga shaga nga ai hpe mung, ya ngai chye ni ai!,” ngu nna htan wu ai.

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

YEREMIA 38:16

Hkawhkam Zedekia gaw ngai hpe, “Anhte hpe asak jaw ya ai Karai Kasang, dai ahkrung nga ai Karai Kasang hta ngai dagam nngai. Ngai gaw nang hpe sat kau na n rai; nang hpe sat kau na matu tam nga ai masha ni a lata de mung ap ya na n rai,” ngu nna mayun ga sadi jaw da wu ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MAHTE 23:7

Gat hkan e hkungga lara di shachyen ai hte, masha ni e, ‘Sara’ ngu nna shamying na hpe shanhte sharawng la ma ai.

MAHTE 23:8

Nanhte mahtang ‘Sara e’ ngu nna shamying na hpe hkum ra myit: hpa majaw nga yang, nanhte a sara gaw langai sha rai nga ai rai nna, nanhte yawng kahpu kanau ni rai nga myit dai.

MARKU 12:14

Shanhte shi kaw du nna, “Sara e, nang gaw masha ni hpa myit nga ai hpe hpa zawn n nawn ai sha, teng man ai lam hpe nang tsun nga ndai hpe anhte chye nga ga ai. Nang gaw masha a myi nan n tau ai sha, masha a matu Karai Kasang a myit ra ai lam hpe teng man ai hku sharin shaga nga ndai. Kehta Hkawhkam kaw hkanse bang ai rai yang, anhte a tara hte nhtan shai a ni? Anhte bang na rai kun? N bang na rai kun? Anhte hpe tsun dan mi,” ngu nna tsun mu ai.

YAWHAN 1:38

Yesu gaw hpang de kayin yu nna, dai yan hkan sa ai hpe mu wu yang, “Nan hpa tam myit ta?,” ngu nna san mu ai. Shan gaw, “Rabai e, nang kanang nga n ta?,” ngu nna shi hpe nhtang san mu ai. (Rabai ngu ai gaw, ‘Sara’ ngu ai ga re.)

YAWHAN 10:38

Ngai galaw nngai rai yang gaw, nanhte ngai hpe n kam hkra rai ti mung, ngai hta nye Wa nga nga ai mung, nye Wa hta ngai nga nga ai mung, nanhte kalang ta mu nna chye lu myit ga, n law htum dai ngai galaw ai amu ni hpe nanhte kam sham ang myit dai,” ngu nna shanhte hpe htan mu ai.

YAWHAN 12:37

Shanhte a man e lamik kumla ndai hte wa shi madun dan mu ti mung, shanhte shi hpe n kam n sham ma ai.

YAWHAN 14:10

Hpilip e, ngai gaw Wa hta nga nga nngai mung, Wa gaw ngai hta nga nga ai mung, n kam n ni? Ngai nanhte hpe tsun ai ga ni gaw, nye a myit hte ngai tsun ai n rai, ngai hta rawng ai nye Wa gaw shi a amu galaw nga ai.

YAWHAN 15:24

Masha kadai n di lu ai amu ni hpe, ngai shanhte hta n galaw dan yu nngai rai taw gaw, shanhte mara lu na n rai ma ai; ya chyawm gaw, shanhte ngai galaw ai amu ni hpe mu lu masai rai nna, ngai hpe mung, nye Wa hpe mung n dawng n yawt rai masai.

YAWHAN 2:11

Shing rai Yesu gaw, Galile mung Hkana mare e ndai shawng nnan na lamik kumla hpe madun dan ai hte, dai yang e shi a hpung shingkang shadan dan wu ai rai nna, shi a sape ni mung, shi hpe kam sham ma ai.

YAWHAN 20:16

Yesu gaw, “Mari e,” ngu nna shaga wu ai. Shaloi shi mung kayin let, “Raboni!,” ngu nna Hebre ga hte htan wu ai. (Dai gaw ‘Sara’ nga ai rai nga ai.)

YAWHAN 3:26

Dai rai nna shanhte gaw Yawhan hpang de sa nhtawm, “Rabai e, Yawdan hka sinpraw hkran maga e nang hte rau nga yu ai, nang sakse hkam ya ai wa hpe nang dum ai n rai i? Rai sa, ya shi hkalup jaw nga ai rai nna, yawng mayawng shi hpang de du sa ma ai!,” ngu nna shi hpe tsun dan mu ai.

YAWHAN 4:31

Dai laman sape ni gaw, “Rabai e, shat sha u,” ngu nna shi hpe saw lajin mu ai.

YAWHAN 5:36

Rai ti mung ngai lu ai sakse gaw Yawhan hkam ya ai sakse hta grau kaba li ai, hpa majaw nga yang, ngai galaw ai gaw, ngai gun hpai shangut na matu, nye Wa e ngai hpe ap ya ai amu ni rai nga ai rai nna, ya ngai gun hpai nga ai amu ni e pyi, ngai hpe nye Wa e shangun dat ai lam sakse hkam ya nga ai.

YAWHAN 6:2

Machyi makaw hkrum ai ni hta, shi galaw dan ai lamik kumla ni hpe shanhte mu ma ai majaw, masha wunawng kaba shi kaw hkan nang ma ai.

YAWHAN 7:31

Rai ti mung shawa masha ni hta na law law wa shi hpe kam sham wa ma ai rai nna, “Meshia du sa wa ai shaloi ndai wa galaw dan ai hta grau ai mauhpa lamik kumla ni hpe madun lu na a ni?,” nga nna tsun shajang ma ai.

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.

HPILIPI 1:14

Dai hta kaga, ngai bawng dung ai a marang e hpu nau ni malawng maga gaw dai Madu hta makam masham myit nden grau nna rawt wa ai hte Karai Kasang a mungga hpe n hkrit n kang ai sha tsun dan na, grau nna gwi wa ma ai.

TARA AGYI 6:27

Dai rai nna Gidon mung shi a shangun ma marai shi woi nhtawm dai Madu shi hpe tsun ai hte maren galaw wu ai. Shi a dinghku masha ni hte mare masha ni hpe nau hkrit wu ai rai nna shani e n galaw wam wu ai; shana e mahtang shi sa galaw wu ai.