YAWHAN 3:16 - Jinghpaw Common Language Bible 2009

¹⁶ Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha htani htana asak lu la mu ga nga, Karai Kasang gaw shi a kasha shingtai hpe jaw kau ai kaw du hkra mungkan ga hpe grai tsaw ra wu ai.

Jinghpaw Hanson Version Bible

¹⁶ Kaning rai nme law, Karai Kasang a Kasha hpe kamsham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsawra wu ai.

YAWHAN 3:16 ပူးပေါင်းရင်းမြစ်များ

NINGPAWT NINGHPANG 22:12

Lamu kasa gaw, “Dai ma hpe hkum hkra et; shi hpe hpa mung hkum di et. Na a shadang sha shingtai shi hpe jaw na nang n kanung nga nit dai majaw Karai Kasang hpe nang hkrit hkungga ai hte madat mara nga ndai hpe ya ngai chye ni ai,” ngu nna htan wu ai.

NINGPAWT NINGHPANG 22:2

Karai Kasang gaw, “Nang grai tsaw ra ai na a shadang sha shingtai Isak hpe woi nna Moria ga de sa wa su. Ngai nang hpe madun na de ai bum ntsa e, shi hpe shagu hkungga shatai nna ngai hpe nawng jau e,” ngu nna tsun wu ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

MARKU 12:6

Sun madu hta shangun dat na masha ngu na shi a tsaw ra ai kasha shingtai langai sha ngam salu ai. Yawng a hpang jahtum e, shi a kasha hpe shanhte hpang de shangun dat wu ai; shi gaw, ‘Ngai sha hpe shanhte hkrit hkungga na ma ra ai,” nga nna tsun ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

YAWHAN 10:28

Ngai shanhte hpe n htum n wai asak jaw mawe ai rai nna, shanhte galoi mung si ai hkrum na ma ai n rai; nye a lata na shanhte hpe kadai e mung kashun gare kau lu na n rai.

YAWHAN 3:15

Masha Kasha hta kam sham ai ni nlang hte gaw, htani htana asak lu la hkra, Masha Kasha mung sharawt da ai hkrum na ra ai.

YAWHAN 3:18

Shi hpe kam sham ai wa kadai mung tara dara ai n hkrum lu ai, n kam n sham ai wa chyawm gaw Karai Kasang a Kasha shingtai hpe n kam n sham ai majaw, ya e pyi tara dara ai hkrum nga ai.

YAWHAN 3:36

Kasha wa hpe kam sham ai wa gaw htani htana asak lu la wu ai; Kasha wa a ga hpe n madat ai wa chyawm gaw, asak hkrung ai lam lu la na wu ai n rai; Karai Kasang a sindawng kahtet ai ari hkrum sha na ra ai.

YAWHAN 6:40

Hpa majaw nga yang, nye Wa a myit ra ai lam gaw, Kasha wa hpe mu nna kam sham ai ni yawng mayawng htani htana asak lu la shangun na lam rai nga ai. Ngai mung hpang jahtum na nhtoi hta shanhte hpe ngai sharawt la na mawe ai,” ngu nna shanhte hpe tsun mu ai.

ROMA 5:10

Hpa majaw nga yang, anhte Karai Kasang a hpyen ni rai nga ga ti mung, shi a Kasha a si hkam ai a majaw anhte htinglu htinglai hkam la nna shi a jinghku ni tai wa shangun mi ai. Ya anhte htinglu htinglai hkam la nna Karai Kasang a jinghku ni rai saga ai majaw shi a asak sumdam hta e, anhte hkye hkrang la ai grau nna hkrum na ga ai.

ROMA 5:8

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

EHPESU 2:4

Rai ti mung Karai Kasang gaw matsan dum ai myit grai law htam nna shi anhte hpe tsaw ra ai myit kaba la nga ai rai nna,

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

TITU 3:4

Rai ti mung, anhte a hkye hkrang la ai Karai Kasang a chyeju hte n gaw n wai myit dan pru wa ai shaloi e,

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

1 YAWHAN 4:19

Karai Kasang gaw shawng nnan e anhte hpe tsaw ra mi ai majaw, anhte mung tsaw ra nga ga ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,