YAWHAN 3:12 - Jinghpaw Common Language Bible 2009

¹² Dinghta ga hte seng ai lam sha ngai tsun yang pyi nanhte n kam lu myit yang gaw, sumsing lamu hte seng ai lam wa, ngai tsun made yang gaw, kaning rai kam lu na myit ta?

Jinghpaw Hanson Version Bible

¹² Dinghta ga hte seng ai lam sha ngai tsun yang pyi, nanhte n kam lu myit yang gaw, sumsing lamu hte seng ai lam wa, ngai tsun made yang gaw, kaning rai kam lu na myit ta?

YAWHAN 3:12 ပူးပေါင်းရင်းမြစ်များ

YAWHAN 3:11

Ngai nang hpe kaja wa teng teng tsun de ga, anhte gaw tinang chye ai lam hpe tsun ga ai, rai ti mung nanhte langai mi mung anhte a sakse ga hpe n hkap la myit dai.

YAWHAN 3:3

Yesu gaw, “Ngai nang hpe kaja wa teng teng tsun de ga, ntsa de nna n shangai ai masha gaw, Karai Kasang a Mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe kaja wa teng teng tsun de ga, hka hte Wenyi e n shangai ai masha gaw, Karai Kasang a Mungdan hta shang lu na n rai.

YAWHAN 3:8

Nbung gaw bung wa mayu ai de bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 5:11

Ndai lam hte seng nna anhte tsun shara law law lu ga ai, rai ti mung nanhte gaw alawan n chye na hkraw ai ni rai myit dai majaw, nanhte hpe sanglang dan na yak la nga ai.

1 YAWHAN 4:10

Tsaw ra ai myit ngu nna tsun ai shaloi; anhte Karai Kasang hpe tsaw ra ai hpe ngu ai n rai, anhte a yubak mara ni hpe raw dat kau ya na matu gawng malai hkungga tai u ga, shi a Kasha hpe shangun dat ai hte tsaw ra mi ai hpe ngu ai rai nga ai.