YAWHAN 20:2 - Jinghpaw Common Language Bible 2009

² Dai majaw shi gaw, Simun Petru hte Yesu tsaw ra ai sape kaga hpang de gat wa nhtawm, “Dai Madu hpe lup kaw na la mat wa masai, shanhte shi hpe kanang e tawn da masai kun? Anhte n chye ga ai!,” ngu nna shan hpe tsun mu ai.

Jinghpaw Hanson Version Bible

² Dai majaw shi gaw Simun Petru yan Yesu tsawra ai sape hpang de gat wa nhtawm, “Dai Madu hpe lup de na shanhte la mat wa nna, kanang tawn da mu ai mung, anhte n chye ga ai,” ngu nna shan hpe tsun mu ai.

YAWHAN 20:2 ပူးပေါင်းရင်းမြစ်များ

YAWHAN 13:23

Shaloi Yesu tsaw ra ai sape langai mi gaw, Yesu a hkra maga de yep rai dung nga ai.

YAWHAN 19:26

Yesu gaw shi a kanu hte shi a tsaw ra ai sape dai yang e tsap nga ai hpe mu wu ai. Dai rai nna Yesu gaw shi a kanu hpe, “Nu e, ningsha hpe yu u!,” ngu wu ai.

YAWHAN 20:13

Dai yan gaw, “Numsha e, hpa rai hkrap nga n ta?,” ngu nna san mu ai. Shi gaw, “Nye a Madu hpe shanhte la mat wa nna kanang tawn da ma ai mung, ngai n chye ai majaw rai nngai,” ngu nna shan hpe htan mu ai.

YAWHAN 20:15

Yesu gaw, “Num sha e, hpa rai hkrap nga n ta? Nang kadai hpe tam nga n ta?,” ngu nna shi hpe san wu ai. Shi chyawm gaw, dai wa hpe sun sin ai wa rai sam ai ngu shadu nna, “Tsa e, nang shi hpe hpai la kau ndai rai yang gaw, nang shi hpe kanang tawn da ai ngai hpe tsun dan rit. Ngai sa la wa na nngai,” ngu nna shi hpe tsun wu ai.

YAWHAN 20:9

(Madu gaw si ai kaw na bai hkrung rawt wa na ra ai, nga nna rawng ai Chyum Laika hpe shan garai n chye na ma ai.)

YAWHAN 21:20

Shaloi Petru kayin yu u yang, Yesu tsaw ra ai sape ngu ai shawng de shana shat sha nga ai shaloi, Yesu a sinda hta shamyet nna, “Madu e nang hpe ap kau na wa gaw kadai mahtang rai ta?,” nga nna san ai sape hkan nang nga ai hpe, mu wu ai.

YAWHAN 21:24

Dai sape wa gaw, ndai lam ni hpe sakse hkam tsun dan nna, ndai lam ni ka da ai wa rai nga ai. Shi tsun dan ai ga teng man nga ai mung, anhte chye ga ai.

YAWHAN 21:7

Shaloi Yesu tsaw ra ai sape gaw, “Madu she rai nga ai!,” ngu nna Petru hpe tsun wu ai. Madu she rai nga ai, nga ai ga hpe Petru na jang, (shi singgu krin rai nga ai majaw) ntsa palawng hta lawai nna, hka de gumhtawn bang wu ai.