YAWHAN 2:6 - Jinghpaw Common Language Bible 2009

⁶ Dai yang e, Yuda masha ni a jasan jaseng ai lam galaw na matu tawn da ai galan 20 hte 30 shang ram re ai hka bang ai nlung yam kru shadun tawn nga malu ai.

Jinghpaw Hanson Version Bible

⁶ Ya dai yang e, Yuda masha ni a jasan jaseng ai htung hte maren, dang lahkawng masum daram ram shang ai, nlung yam kru shadun tawn ai nga malu ai.

YAWHAN 2:6 ပူးပေါင်းရင်းမြစ်များ

LUKA 16:6

Dai wa gaw, ‘Sau joi latsa kap nga nngai,’ ngu wu ai. Shaloi hpareng wa gaw, ‘Na jahpan la nna, alawan dung let, manga shi ngu ka da u,’ ngu wu ai.

YAWHAN 2:7

Yesu gaw, “Ndai yam ni hta ntsin ja bang jahpring mu,” ngu nna shangun ma ni hpe tsun mu ai. Dai rai nna shanhte gaw, yam nten dem rai hkra ja bang jahpring mu ai.

YAWHAN 3:25

Yawhan a sape nkau mi gaw, nawku htung lai hku kashin kamun ai hte jasan jaseng ai lam hte seng nna Yuda masha langai mi hte ndang kalang hkat ma ai.

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 6:2

hkalup hkam ai lam, lata mara aya dang ai lam, si ai kaw na bai rawt wa ai lam hte htani htana daw dan hkrum ai lam ni hpe bai sharin kahtap npawt gaw na n ra saga ai.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

HEBRE 9:19

Shawng nnan e Mawshe gaw shi a jep ai Tara hta rawng ai hkang da ai lam yawng mayawng hte hpe amyu masha ni hpe tsun dan ngut jang, hkyeng ai sagu mun hte husup lakung, hpe la nna usu sai, bainam sai ni hte ntsin kayau la nna Tara laika a ntsa e mung, masha ni yawng hpe mung, lapri bun wu ai.