YAWHAN 2:5 - Jinghpaw Common Language Bible 2009

⁵ Rai ti mung shi a kanu gaw, “Shi nanhte hpe tsun matsun galaw mu,” ngu nna shangun ma ni hpe tsun da mu ai.

Jinghpaw Hanson Version Bible

⁵ Rai timung shi a kanu gaw, “Shi nanhte hpe tsun matsun galaw mu,” ngu nna shangun ma ni hpe tsun da mu ai.

YAWHAN 2:5 ပူးပေါင်းရင်းမြစ်များ

NINGPAWT NINGHPANG 41:55

Egutu masha ni kawsi kyet hpang wa ai shaloi, shanhte gaw hkawhkam wa kaw lusha sa hpyi jahtau ma ai. Shanhte hpe Yosep hpang de sa shangun nhtawm shi shanhte hpe tsun ai hte maren, hkan galaw na matu hkang dat wu ai.

NINGPAWT NINGHPANG 6:22

Karai Kasang shi hpe hkang da wu ai hte maren, lam shagu hte hpe shi galaw wu ai.

EZEKELA 12:7

Ngai gaw dai Madu tsun matsun ai hte maren, galaw ni ai. Ngai gaw hprawng shingbyi hkawm ai wa zawn, dai shani e arung arai majaw hpe makai nna dai shana nsin htat wa ai aten e, ngai gaw nye a lata hte bunghku hpe htu waw nna pru mat wa ni ai. Masha shagu ngai hpe azi yu nga ma yang, ngai gaw nye a arung arai majaw hpe nye a lahpa ntsa e hpai mara nhtawm pru mat wa ni ai.

MAHTE 12:46

Shawa masha ni hpe Yesu ga naw shaga nga yang, shi a kanu hte kanau ni gaw, shi hte ga tsun na nga nna shinggan e la tsap nga ma ai.

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

KASA 9:6

Rai ti mung, nang rawt u, mare de shang wa u. Nang galaw na lam dai kaw nang hpe tsun dan shangun na we ai,” nga nna tsun ai.

HEBRE 11:8

Abraham gaw, Karai Kasang shi hpe jaw na ngu nna ga sadi jaw da ai mung de pru sa wa na matu makam masham gaw shi hpe madat mara shangun wu ai. Dai rai nna shi gaw gade sa wa nga ai hpe shi n chye ti mung, shi a mungdan kaw na pru hkawm mat wa ai.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

TARA AGYI 13:14

Sabyi hta na pru ai hpa hpe mung shi sha lu na n rai; sabyi ntsin hte chyaru hpe shi lu lu na n rai; hkum da ai lusha hpe mung sha lu na n rai. Ngai shi hpe tsun sai lam magup hpe sha shi galaw lu na rai wu ai,” ngu nna htan wu ai.

RUHTA 3:6

Dai rai nna Ruhta gaw chyarang pa de sa mat wa nhtawm, shi a kamoi shi hpe tsun matsun dat ai hte maren hkan galaw wu ai.