YAWHAN 2:23 - Jinghpaw Common Language Bible 2009

²³ Dai Shalai wa ai Poi nhtoi ni a laman e Yerusalem mare hta shi naw nga nga yang, shi madun ai lamik kumla ni hpe mu lu ma ai majaw masha law law wa shi hpe kam sham wa ma ai.

Jinghpaw Hanson Version Bible

²³ Dai Shalai wa ai poi nhtoi ni a laman e Yerusalem mare hta shi naw nga nga yang, masha law law wa, shi dan ai lamik kumla mu lu ma ai majaw, shi a mying ningsang hpe kamsham ma ai.

YAWHAN 2:23 ပူးပေါင်းရင်းမြစ်များ

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

YAWHAN 11:45

Dai shaloi Mari kaw sa hpu ai Yuda masha ni law law wa, Yesu galaw ai amu hpe mu jang, shi hpe kam sham ma ai.

YAWHAN 2:11

Shing rai Yesu gaw, Galile mung Hkana mare e ndai shawng nnan na lamik kumla hpe madun dan ai hte, dai yang e shi a hpung shingkang shadan dan wu ai rai nna, shi a sape ni mung, shi hpe kam sham ma ai.

YAWHAN 2:13

Yuda masha ni a Shalai wa ai Poi du wa ra ai rai nna, Yesu gaw Yerusalem mare de lung wa ai.

YAWHAN 3:2

Dai wa gaw shana e Yesu kaw sa nna, “Rabai e, nang gaw Karai Kasang e shangun dat ai sara langai mi rai nga ndai hpe anhte chye ga ai. Nang dan ai lamik kumla ni gaw, Karai Kasang n lawm yang gaw kadai mung n galaw lu ai,” ngu nna shi hpe tsun wu ai.

YAWHAN 4:45

Shi Galile mung de du ai shaloi, Galile masha ni gaw Madu hpe hkap tau bawp hkalum la ma ai, hpa majaw nga yang, Yerusalem mare e galaw lai wa sai Shalai Wa Ai Poi de shanhte nan sa lawm ma ai rai nna, dai poi aten hta Yesu galaw dan ai amu nlang hte hpe mu yu ma ai majaw rai nga ai.

YAWHAN 5:36

Rai ti mung ngai lu ai sakse gaw Yawhan hkam ya ai sakse hta grau kaba li ai, hpa majaw nga yang, ngai galaw ai gaw, ngai gun hpai shangut na matu, nye Wa e ngai hpe ap ya ai amu ni rai nga ai rai nna, ya ngai gun hpai nga ai amu ni e pyi, ngai hpe nye Wa e shangun dat ai lam sakse hkam ya nga ai.

YAWHAN 6:14

Ndai zawn Madu Yesu madun ai lamik kumla hpe mu ma yang, masha ni gaw, “Kaja wa teng teng ndai wa gaw mungkan ga de du sa na ra ai dai myihtoi wa rai nga ai,” nga ma ai.

YAWHAN 6:2

Machyi makaw hkrum ai ni hta, shi galaw dan ai lamik kumla ni hpe shanhte mu ma ai majaw, masha wunawng kaba shi kaw hkan nang ma ai.

YAWHAN 7:31

Rai ti mung shawa masha ni hta na law law wa shi hpe kam sham wa ma ai rai nna, “Meshia du sa wa ai shaloi ndai wa galaw dan ai hta grau ai mauhpa lamik kumla ni hpe madun lu na a ni?,” nga nna tsun shajang ma ai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

1 YAWHAN 3:23

Shi anhte hpe hkang da ai lam gaw, anhte shi a kasha Yesu Hkristu hpe kam sham nna Hkristu anhte hpe hkang da mi ai hte maren shada da tsaw ra nga na lam rai nga ai.