YAWHAN 2:18 - Jinghpaw Common Language Bible 2009

¹⁸ Ahkang aya lu ai Yuda masha ni gaw, “Nang ndai amu hpe ning rai galaw na ahkang lu ai wa re ai lam hpa lamik kumla galaw nna anhte hpe madun dan na n ta?,” ngu nna ga san hte shi hpe htan mu ai.

Jinghpaw Hanson Version Bible

¹⁸ Shing re ai majaw Yuda masha ni gaw, “Nang ning rai galaw ai gaw, anhte hpe hpa lamik kumla madun dan n ta?” ngu nna shi hpe tsun mu ai.

YAWHAN 2:18 ပူးပေါင်းရင်းမြစ်များ

1 HKAWHKAM 13:3

Myihtoi wa gaw, “Ndai tawn hkungri hkrat ga mat na ra ai; de a ntsa e nga ai wan dap ni yun hkrat mat na ra ai. Dai shaloi dai Madu nan ngai hku nna ga shaga nga nu ai hpe nanhte chye lu na rai myit dai,” ngu nna matut tsun wu ai.

PRU MAT 7:9

“Hkawhkam wa nan hpe mauhpa lamik kumla langai madun ya mi, ngu nna hpyi yang, dawhkrawng la nna hkawhkam wa a man e kabai tawn u ngu Arun hpe tsun u, dai gaw lapu tai na ra ai,” ngu nna tsun wu ai.

MAHTE 21:23

Yesu gaw Nawku Htingnu de bai du wa nna sharin shaga nga yang, hkinjawng agyi ni hte, mung masha ni a agyi salang ni, shi kaw sit sa nna, “Nang gaw hpa ahkang hte ndai hte hpe galaw nga n ta? Ndai ahkang nang hpe kadai jaw a ta?,” ngu mu ai.

MARKU 8:11

Hparishe nkau mi Yesu kaw sa nna shi hte ndang kalang hkat hpang ma ai. Shanhte shi hpe chyam yu mayu da mu ai rai nna, Karai Kasang gaw Yesu hta teng teng amu galaw nga ai lam sakse madun na matu lamu de na lamik kumla langai mi galaw dan na shanhte shi kaw hpyi ma ai.

LUKA 11:29

Shawa masha ni gumbawm wa ma ai shaloi, shi tsun mu ai gaw, “Ndai prat na masha ni gaw nde wa n hkru n kaja ai ni rai nga ma hka! Shanhte lamik kumla hpyi nga ma ai, rai ti mung, Yona a lamik hta kaga, hpa lamik kumla mung shanhte hpe madun dan na n rai.

YAWHAN 1:19

Yerusalem mare na ahkang aya lu ai Yuda masha ni gaw hkinjawng agyi ni hte Lewi masha nkau mi hpe Yawhan hpang de shangun dat nna, “Nang gaw kadai rai nga n ta?,” ngu nna san mu ai.

YAWHAN 1:25

Bai shanhte gaw, “Nang gaw Meshia mung n rai, Elia mung n rai, dai myihtoi wa mung n rai yang gaw, nang hpa rai hkalup jaw n ta?,” ngu nna shi hpe san mu ai.

YAWHAN 6:30

Shanhte gaw, “Anhte mu lu nna kam sham na matu nang hpa lamik kumla madun na n ta? Nang hpa magam bungli galaw na n ta?

KASA 4:7

Shanhte gaw kasa yan hpe shanhte a man e shatsap tawn da nna, “Taw nan gaw, hpa atsam, gade a mying hte ndai amu galaw myit ta?,” ngu nna san mu ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.