YAWHAN 2:16 - Jinghpaw Common Language Bible 2009

¹⁶ Hkrudu dut ai ni hpe mung, “Ndai ni hpe ndai kaw na la pru mat wa mu! Nye Wa a nta e gat dut shara hkum shatai mu,” ngu nna tsun mu ai.

Jinghpaw Hanson Version Bible

¹⁶ hkrudu dut ai ni hpe mung, “Ndai rai ni la wa mu; nye Wa a nta hpe hpaga nta hkum shatai mu,” ngu nna tsun mu ai.

YAWHAN 2:16 ပူးပေါင်းရင်းမြစ်များ

YEREMIA 7:11

Nye a Nawku Htingnu gaw hpya lu hpya sha ai damya ni a matu makoi shara rai nga ai ngu, nang myit nawn da wu ni? Nang hpa galaw nga ai hpe ngai mu se ai.

MAHTE 21:12

Yesu gaw Nawku Htingnu de shang nna, dai Nawku Htingnu kata e rai dut rai mari rai nga ai ni yawng hpe shaden shapraw kau mu ai rai nna, gumhpraw galai byan ya ai ni a ku ni hte hkrudu dut ai ni a punghkum ni hpe kanawng kadawng shagum kau ya nhtawm,

MAHTE 21:13

“Nye a nta hpe akyu hpyi ai nta ngu na mu ai, nga nna Karai Kasang tsun ai hpe Chyum Laika ni hta ka da nga ai. Rai ti mung nanhte gaw, dai hpe damya lungpu shatai nga myit dai,” ngu nna shanhte hpe tsun mu ai.

MAHTE 22:5

Rai ti mung shaga da hkrum ai manam ni gaw, dai ga hpe hpa n nawn mu ai rai nna, langai wa gaw shi hkauna de, kaga wa gaw shi a gat rai dut ai de sa mat wa ma ai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

LUKA 2:49

Shi gaw, “Hpa rai ngai hpe tam myit ta? Nye wa a nta e ngai nga lu na mai ai nan n chye myit ni?,” ngu nna shan hpe htan mu ai.

YAWHAN 10:29

Shanhte hpe nye a lata hta ap ya ai nye Wa gaw, yawng hta grau kaba nga ai rai nna, kadai mung Wa a lata na shanhte hpe kashun la lu na n rai.

YAWHAN 2:15

Dai majaw shi gaw, sumri hte lasik galaw la nhtawm, sagu, dumsu hte dusat ni yawng hte hpe Nawku Htingnu kata na gawt shale kau nna, gumhpraw byan sha ai ni a ku ni hpe mung kanawng kadawng nna gumhpraw ni hpe agat ayai kau ya mu ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 5:17

Shaloi Yesu gaw, “Nye Wa gaw ya du hkra pyi amu galaw nga ai rai nna, ngai mung galaw lu na rai nga ai,” ngu nna shanhte hpe htan mu ai.

YAWHAN 8:49

Yesu gaw, “Ngai nat shang ai wa n rai nngai; ngai gaw nye Wa hpe she shagrau nngai, rai ti mung nanhte chyawm gaw ngai hpe jahpoi myit dai.

1 TIMOHTI 6:5

Dai hta n ga, myit n gu ai lam hte teng man ai lam hpe n mu n chye ai ni kaw nna ndang kalang ai lam ni gaw ya sha ya sha pru nga ai. Nawku htung ngu ai gaw lu su ngamai na matu re ngu nna shanhte myit la ma ai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.