YAWHAN 2:14 - Jinghpaw Common Language Bible 2009

¹⁴ Shaloi Nawku Htingnu e dumsu, sagu, hkrudu ni dut ai ni hte gumhpraw byan sha ai ni dung nga ma ai hpe shi mu wu ai.

Jinghpaw Hanson Version Bible

¹⁴ Shaloi nawku Htingnu e sagu, dumsu, hkrudu dut ai ni hte, gumhpraw byan sha ai ni dung nga ma ai hpe, shi mu wu ai rai nna,

YAWHAN 2:14 ပူးပေါင်းရင်းမြစ်များ

EZEKELA 36:38

Madat da ai poi aten hta shagu hkungga ni hpe nawng ya na matu lai sai aten hta sagu ni hte hpring nga ai zawn, ya aten e, hten run mat sai mare ni mung amyu masha ni hte hpring nga na mara ai. Dai shaloi, shanhte gaw ngai nan dai Madu rai nga nngai hpe chye lu na mara ai,” ngu nna tsun ai.

MARKU 11:15

Ya shanhte Yerusalem de du ma yang, Yesu gaw Nawku Htingnu de shang nna, Nawku Htingnu kata e rai dut nga ai ni hte mari nga ai ni yawng hpe shaden shapraw kau mu ai. Gumhpraw byan sha ai ni a ku ni hte hkrudu dut ai ni a punghkum ni hpe kanawng kadawng galau kau ya mu ai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

YAWHAN 2:15

Dai majaw shi gaw, sumri hte lasik galaw la nhtawm, sagu, dumsu hte dusat ni yawng hte hpe Nawku Htingnu kata na gawt shale kau nna, gumhpraw byan sha ai ni a ku ni hpe mung kanawng kadawng nna gumhpraw ni hpe agat ayai kau ya mu ai.