YAWHAN 2:11 - Jinghpaw Common Language Bible 2009

¹¹ Shing rai Yesu gaw, Galile mung Hkana mare e ndai shawng nnan na lamik kumla hpe madun dan ai hte, dai yang e shi a hpung shingkang shadan dan wu ai rai nna, shi a sape ni mung, shi hpe kam sham ma ai.

Jinghpaw Hanson Version Bible

¹¹ Shing rai Yesu gaw shi dan ai lamik kumla ni hta, shawng dan hpang ai gaw, Galile mung na Hkana kahtawng e dan nna, shi a hpung shingkang dan shapraw wu ai: shi a sape ni mung, shi hpe kamsham ma ai.

YAWHAN 2:11 ပူးပေါင်းရင်းမြစ်များ

1 HKAWHKAM 17:24

Shi mung, “Nang gaw Karai Kasang a masha rai nga ndai mung, dai Madu gaw nang hku nna teng teng ga shaga nga ai hpe mung, ya ngai chye ni ai!,” ngu nna htan wu ai.

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

SHAKAWN KUNGDAWN 96:3

Masha amyu ni hpe shi a hpung shingkang, amyu masha ni yawng hte hpe shi a grau htum ai magam amu ni hpe htawn tsun dan nga mu.

PRU MAT 14:31

Dai Madu gaw shi a daru magam n-gun kaba hte Egutu masha ni hpe dang kau lu nu ai lam hpe Israela masha ni mu ma ai shaloi, shanhte gaw dai Madu hpe hkrit nga ma ai; shanhte gaw dai Madu hte shi a shangun ma Mawshe hpe kam sham ma ai.

PRU MAT 4:9

Ndai lamik kumla lahkawng hta mung nang hpe naw n kam ai hte nang tsun ai ga hpe n madat ai rai yang chyawm gaw Nila hka nu kaw na hka ja la nhtawm dai hpe ga ntsa e ru tawn u. Hka dai gaw asai tai wa na ra ai,” ngu nna tsun wu ai.

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

ESAIA 40:5

Dai hpang dai Madu a hpung shingkang gaw dan dawng wa nna, amyu masha ni yawng dai hpe mu na mara ai. Dai Madu gaw shi nan ndai amu hpe ga sadi jaw nu ai,” ngu nna ja ja jahtau tsun nga ai.

MALAHKI 2:2

Nanhte galaw ai amu hte ngai hpe shagrau sha-a lu na rai myit dai. Nanhte gaw ngai tsun ai ga hpe n madat myit dai rai yang, nanhte hpe dagam dala hkrum shangun na nngai. Nanhte a matu ngu nna hkam la lu ai karum arai ni hta dagam dala tawn da na nngai. Nanhte gaw nye a hkang da ai ga hpe ahkyak n la ya myit dai majaw shanhte hpe teng teng dagam tawn da ya mase ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 1:43

Hpang shani e Yesu gaw Galile mung de rai wa na myit daw dan wu ai. Shaloi Hpilip hpe mu wu ai rai nna, shi hpe, “Ngai kaw hkan nang rit,” ngu wu ai.

YAWHAN 1:50

Shaloi Yesu gaw, “Ngai nang hpe maihpang hpun npu e mu de ai ngu ai majaw sha nang kam n ni? Dai hta grau kaba ai amu ni hpe nang mu na rin dai!,” ngu wu ai.

YAWHAN 10:41

Masha law law wa shi kaw sa du nna, “Yawhan gaw hpa mauhpa lamik kumla mung n galaw dan ai, rai ti mung ndai wa a lam Yawhan tsun matsun chyawm gaw teng man nga ai,” nga ma ai.

YAWHAN 11:15

Rai ti mung dai yang e, Lazaru hte rau ngai n nga hkrup ai gaw nanhte kam sham wa na matu rai nna, nanhte a matu ngai kabu nngai. Shi hpang de sa wa saga,” ngu nna leng leng tsun dan mu ai.

YAWHAN 11:47

Dai rai nna Hparishe ni hte hkinjawng agyi ni gaw, Yuda Tara hte seng ai kongsi hpawng shaga jahpawng nhtawm, “Ndai wa madun dan nga ai mauhpa lamik kumla nlang hte hpe mada yu mu! Anhte gaw hpa majaw hpa mung n di ai nga nga na rai ta?

YAWHAN 12:18

Dai lam a majaw shawa masha ni shi hpe sa tau la ma ai, hpa majaw nga yang, shanhte gaw shi galaw dan ai lamik kumla ni a lam na lu masai.

YAWHAN 12:37

Shanhte a man e lamik kumla ndai hte wa shi madun dan mu ti mung, shanhte shi hpe n kam n sham ma ai.

YAWHAN 12:41

Esaia gaw Yesu a hpung shingkang hpe mu lu ai rai nna, shi a lam shing nga tsun ai rai nga ai.

YAWHAN 14:13

Shing rai Kasha a marang e Kawa a hpung shingkang dan hkung u ga matu, nye a mying gang nna, nanhte hpyi mahpyi ngai madat ya na nngai.

YAWHAN 16:27

Hpa majaw nga yang, Wa shi nan nanhte hpe tsaw ra nga ai. Nanhte ngai hpe tsaw ra nna, ngai gaw Wa kaw na du sa ai hpe kam sham myit dai majaw, Wa gaw nanhte hpe tsaw ra nga ai.

YAWHAN 16:30

Nang gaw lam yawng mayawng hpe chye nga ndai mung, gade e mi nang hpe n san ra sai hpe mung, ya anhte chye saga ai; dai re ai majaw, nang Karai Kasang kaw na du sa ai wa re ai hpe anhte kam saga ai,” ngu nna tsun mu ai.

YAWHAN 2:1

Dai hpang lahkawng ya na ai shani e, Galile mung na Hkana kahtawng e hkungran poi langai mi galaw ma ai. Yesu a kanu gaw dai hkungran poi hta lawm nga ai.

YAWHAN 2:23

Dai Shalai wa ai Poi nhtoi ni a laman e Yerusalem mare hta shi naw nga nga yang, shi madun ai lamik kumla ni hpe mu lu ma ai majaw masha law law wa shi hpe kam sham wa ma ai.

YAWHAN 3:2

Dai wa gaw shana e Yesu kaw sa nna, “Rabai e, nang gaw Karai Kasang e shangun dat ai sara langai mi rai nga ndai hpe anhte chye ga ai. Nang dan ai lamik kumla ni gaw, Karai Kasang n lawm yang gaw kadai mung n galaw lu ai,” ngu nna shi hpe tsun wu ai.

YAWHAN 4:3

Shing rai Yesu gaw Hparishe ni hpa tsun nga ma ai hpe na wu yang, Yuda mung na pru mat wa nna Galile mung de bai wa ai.

YAWHAN 4:46

Dai hpang Yesu gaw, shi ntsin hpe sabyi shatai ai shara, Galile mung na Hkana mare de bai du wa ai. Dai mare e du langai mi nga ai rai nna shi a kasha gaw Kaperna-um mare e machyi nga lu ai.

YAWHAN 4:54

Ndai lamik kumla gaw, Yuda mung nna Galile mung de Yesu du wa ai hpang lahkawng lang ngu na madun ai lamik kumla rai nga ai.

YAWHAN 5:23

Dai rai nna masha ni gaw Kawa hpe hkungga ai hte maren, Kasha wa hpe mung hkungga na mara ai. Kasha wa hpe n hkungga ai masha kadai mung, Kasha wa hpe shangun dat ai Kawa hpe n hkungga ai wa rai nga ai.

YAWHAN 6:14

Ndai zawn Madu Yesu madun ai lamik kumla hpe mu ma yang, masha ni gaw, “Kaja wa teng teng ndai wa gaw mungkan ga de du sa na ra ai dai myihtoi wa rai nga ai,” nga ma ai.

YAWHAN 6:2

Machyi makaw hkrum ai ni hta, shi galaw dan ai lamik kumla ni hpe shanhte mu ma ai majaw, masha wunawng kaba shi kaw hkan nang ma ai.

YAWHAN 6:26

Yesu gaw, “Ngai nanhte hpe kaja wa teng teng tsun made ga, nanhte ngai hpe tam ai lam gaw, ngai madun ai lamik kumla ni a sung ai lachyum hpe chye na myit hkawn ai majaw n rai, muk lu sha nna hkru kat ai majaw sha tam ai rai nga myit dai.

YAWHAN 6:30

Shanhte gaw, “Anhte mu lu nna kam sham na matu nang hpa lamik kumla madun na n ta? Nang hpa magam bungli galaw na n ta?

YAWHAN 7:31

Rai ti mung shawa masha ni hta na law law wa shi hpe kam sham wa ma ai rai nna, “Meshia du sa wa ai shaloi ndai wa galaw dan ai hta grau ai mauhpa lamik kumla ni hpe madun lu na a ni?,” nga nna tsun shajang ma ai.

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

TARA JAHPRANG 5:24

‘Wan kata kaw nna shi tsun ai ga hpe anhte na ga yang, dai Madu anhte a Karai Kasang gaw shi a galu kaba ai daru magam n-gun hte hpring ai hpung shingkang madun dan mi hka! Karai Kasang shi nan masha hte ga shaga kau wu tim, masha gaw naw hkrung lu nga ai hpe dai ni, anhte mu lu saga ai.

1 YAWHAN 5:13

Nanhte gaw htani htana asak lu la manit dai lam hkrak chye lu myit ga, Karai Kasang a Kasha hpe kam sham nga ai nanhte hpang de ngai ndai laika ka dat nngai.