YAWHAN 19:9 - Jinghpaw Common Language Bible 2009

⁹ Dai rai nna htingnu nhku de bai shang nhtawm, Yesu hpe, “Nang kanang na sa wa n ta?,” ngu nna san wu ai. Rai ti mung Yesu gaw ga hkaw mi mung n htan wu ai.

Jinghpaw Hanson Version Bible

⁹ Htingnu nhku de bai shang nhtawm, Yesu hpe, “Nang kanang na rai n ta?” ngu nna san wu ai. Yesu chyawm gaw ga hkaw mi muk n htan wu ai.

YAWHAN 19:9 ပူးပေါင်းရင်းမြစ်များ

YAWHAN 18:33

Dai majaw Pilat gaw htingnu kata de bai shang nna Yesu hpe shaga la nhtawm, “Nang Yuda ni a hkawhkam rai nga n ni?,” ngu nna shi hpe san wu ai.

HPILIPI 1:28

Dai hta kaga nanhte gaw hpyen ni hpe; hkum hkrit nga myit, tut nawng e nden marai rawng nga mu. Dai gaw shanhte sum hkrum nna nanhte awng dang wa na sakse kumla tai na ra ai; hpa majaw nga yang nanhte hpe awng padang jaw ai gaw Karai Kasang shi nan rai nga ai.

YAWHAN 8:14

Shaloi Yesu gaw, “Ngai gaw tinang a lam tinang dai sakse hkam nga ti mung, nye a sakse teng nga li ai; hpa majaw nga yang, ngai kanang nna pru sa nna, gade rai wa na mung ngai chye nngai. Nanhte chyawm gaw, ngai kanang na pru sa nna, gade rai na mung n chye myit dai.

MAHTE 26:63

Yesu mahtang atsin sha nga nga ai. Bai Hkinjawng Agyi Kaba wa gaw, “Nang gaw Karai Kasang a Kasha ngu ai Meshia rai nga ndai kun? Anhte hpe tsun dan mi ga, ngu nna ahkrung nga ai Karai Kasang a mying nsang hta ya ngai nang hpe dagam da de ai,” ngu nna shi hpe tsun wu ai.

ESAIA 53:7

“Shi adip arip hkrum nga ai, rai ti mung dai hpe shagrit shanem ai hte hkam sharang nga ai; shi gaw ga hkum mi pyi galoi mung shaga ai n rai. Sat na matu hkyen ai sagu kasha langai zawn, mun rep hkyen nga ai sagu langai zawn, shi gaw ga hkum mi pyi galoi mung shaga ai n rai.

TARA AGYI 13:6

Dai hpang numsha gaw shi a madu wa hpang de sa nhtawm, “Karai Kasang a masha langai mi ngai kaw sa nna hkrit hkungga mai ai Karai Kasang a lamu kasa hpe zawn shi mada yu wu ai. Shi kanang na sa wa ai hpe mung ngai n san yu we ai; shi mung shi a mying ngai hpe n tsun dan nga ai.

YAWHAN 18:37

Dai re ai majaw Pilat gaw, “Rai taw, nang hkawhkam langai mi rai nga n ni?,” ngu nna san wu ai. Yesu gaw, “Ngai hkawhkam langai mi re ai nga nna nang tsun nga ndai. Ngai gaw dai teng man ai lam hkaw tsun na yaw shada ai lam langai mi a matu ngai shangai chyinghkai wa ni ai hte mungkan ga de du sa ring ngai. Dai teng man ai hte seng ai ni nlang hte gaw, nye a ga nsen madat ma ai,” ngu nna htan wu ai.

MAHTE 27:27

Shaloi Pilat a hpyen ma ni gaw, Yesu hpe munggyi a htingnu nhku de woi wa mu ai rai nna, hpyen la dap ran langai mi ting gaw Yesu a man e grup di nna jahpawng tawn da mu ai.

LUKA 23:9

Dai rai nna Herod gaw, Yesu hpe ga san ni law law san wu ai. Rai ti mung Yesu ga hkaw mi pyi n htan ya wu ai.

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.

YAWHAN 18:34

Yesu gaw, “Dai ga san gaw na a myit hte nang san ai rai ni? Shing n rai, masha kaga ni nye a lam nang hpe tsun dan ma ni?,” ngu nna htan wu ai.

YAWHAN 19:8

Pilat gaw dai ga na jang grau nna pyi hkrit kajawng wa wu ai.

YAWHAN 19:10

Dai majaw Pilat gaw, “Ngai hte ga n shaga hkraw nga n ni? Ngai nang hpe dat dat lu na hte wudang hta jen sat kau lu na ahkang lu nngai, nang n chye n ni?,” ngu nna shi hpe tsun wu ai.