YAWHAN 19:2 - Jinghpaw Common Language Bible 2009

² Hpyen ma ni mung ju hpun lakung hte lagup hkri la nna shi a baw hta shagup ya nhtawm, palawng ahkyeng mung jahpun mu ai.

Jinghpaw Hanson Version Bible

² Hpyen masha ni mung ju hpun hte lagup hkri la nhtawm, shi a baw hta shagup ya nna, palawng ahkyeng mung shi hpe jahpun mu ai:

YAWHAN 19:2 ပူးပေါင်းရင်းမြစ်များ

SHAKAWN KUNGDAWN 22:6

Rai ti mung, ngai gaw masha langai mi n rai mat ni ai; latung shingtai langai mi rai nga nngai, masha shagu e n kaw n law re ai hte matsat kau ai hkrum nga nngai!

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

YAWHAN 19:5

Yesu mung ju lagup gup ai hte palawng ahkyeng hpun let pru wa ai. Shaloi Pilat gaw “Ndai masha wa hpe yu mu!,” ngu nna shanhte hpe tsun mu ai.