YAWHAN 18:1 - Jinghpaw Common Language Bible 2009

¹ Yesu gaw ning ngu nna akyu hpyi ngut ai hpang, shi a sape ni hte rau pru wa nna, Kidron hkaraw wora hkran de rap sa wa ma ai. Dai yang e sun langai mi nga nga ai rai nna, Yesu hte shi a sape ni dai de shang wa ma ai.

Jinghpaw Hanson Version Bible

¹ Yesu gaw dai ga tsun ngut jang, shi a sape ni hte rau pru wa nna, Kedron hkaraw wora hkran de rap sa ma ai: dai yang e sun nga nga ai rai nna, shi gaw sape ni hte dai de shang wa ma ai.

YAWHAN 18:1 ပူးပေါင်းရင်းမြစ်များ

NINGPAWT NINGHPANG 2:15

Dai hpang Madu Karai Kasang gaw dai hpe yu lajang na hte sin nga na matu dai masha hpe Eden hta tawn da wu ai.

NINGPAWT NINGHPANG 3:23

Dai rai nna Madu Karai Kasang gaw shan hpe Eden sun kaw nna shapraw kau nhtawm shan a hkrang shachyaw la hkrum ai ga hta shan hpe galaw sha shangun wu ai.

2 SAMUELA 15:23

Dawi kaw hkan nang ai masha ni pru mat wa ma yang, amyu masha ni ja ja jahtau hkrap nga ma ai. Hkawhkam wa gaw Kidron hka shi rap jang shi a masha ni mung hkan rap nang nna shanhte rau sha nam mali maga de hkawm shang mat wa ma ai.

1 HKAWHKAM 15:13

Shi a kawoi Mahka mung matsat shabat re ai Ashera karai num a mayat maya ai hpara sumla hpe galaw wu ai majaw shi hpe hkawhkam jan a kanu aya kaw nna jahkrat kau wu ai. Shing rai Asa gaw hpara sumla hpe kahtam daw kau nhtawm Kidron Kadit e dai hpe nat kau wu ai.

1 HKAWHKAM 2:37

Nang rai nna Kidron hka shi lai hkra pru mat wa ai rai yang teng teng si lu na ndai; nang hkum nan mara jaw hkrum na rai ndai,” ngu nna tsun wu ai.

2 HKAWHKAM 23:12

Hkawhkam Ahaza a hkaw numgaw ntsa e Yuda hkawhkam ni galaw da ai tawn hkungri ni hte Nawku Htingnu wang lahkawng hta Hkawhkam Manashe sharawt da ai tawn hkungri ni hte hpawn Hkawhkam Yoshia run hpya nna ayun ayaw di agrawp mani kau let Kidron Kadit de kabai bang kau wu ai.

2 HKAWHKAM 23:4

Dai hpang Yoshia gaw Bala hpe mung, Ashera karai num hpe mung, shagan ni hpe mung nawku ai hta lang ai arung arai ni yawng hpe Nawku Htingnu shinggan de shapraw da na matu Hkinjawng Kaba Hilkia hte shi hpe karum ai hkinjawng ni, Nawku Htingnu de shang wa ai chyinghka e lit ang ai sin langa ni hpe hkang da wu ai. Hkawhkam wa mung dai arai ni yawng hpe mare shinggan ngu na Kidron Kadit makau e sa nat kau wu ai; de a wan dap ni hpe Behtela mare de hpai kau ma ai.

2 HKAWHKAM 23:6

Shi gaw Nawku Htingnu kata na Ashera karai num a sumla shaw la nna mare shinggan Kidron Kadit e dai hpe nat kau nna ga nhpu zawn adup mani la nhtawm shawa lupwa e gat ayai kau wu ai.

2 HKAWHKAM LABAU 15:16

Hkawhkam Asa a kawoi Mahka mahtang mayat maya ai Ashera karai num a matsat shabat re ai hpara sumla galaw nu ai majaw shi hpe hkawhkam jan a kanu aya kaw nna la kau wu ai. Asa gaw dai hpara sumla hpe kran daw kau nhtawm dai hpe achye ga kau nna Kidron Kadit e adaw atang di nat kau wu ai.

2 HKAWHKAM LABAU 29:16

Hkinjawng ni mung Nawku Htingnu kata de shang nna dai hpe jasan jaseng nhtawm htung hte maren n san n seng ai arai shagu hte hpe Nawku Htingnu wang e htawm shapraw da ma ai. Lewi masha ni gaw dai ni yawng hpe mare shinggan Kidron Kadit de sa htawm kau ma ai.

2 HKAWHKAM LABAU 30:14

Shanhte gaw Yerusalem e shagu hkungga hte manam pyaw ai baw nat yang lang ai tawn hkungri ni yawng htawm kau nna Kidron Kadit de sa kabai kau ma ai.

NEHEMIA 2:15

dai rai nna, ngai gaw Kidron Kadit de dingyang jawn yu wa let bunghku hpe mada yu nngai. Dai hpang ngai sa wa sai lam de bai nhtang wa nna Kadit Chyinghka lam hku mare de bai nhtang mat wa nngai.

YEREMIA 31:40

Si ai ni hpe makoi mayang ai lupwa hte maza mala ni hpe kabai sumpum da ai kadit ting hte sinpraw maga Gumra Chyinghka du hkra Kidron hkaraw ntsa hkan na sun ni yawng gaw nye a chyoi pra ai shara ni tai na mara ai. Dai mare gaw galoi mung bai run kau ai hte jahten shabyak kau ai hkrum na n rai,” nga nna tsun ai.

JAW JAU 2:6

Dai hpe hkungga zawn nawng jau ai shaloi ahkyep alep di nhtawm de a ntsa e namman ru bun na rai nga ai.

MAHTE 26:30

Dai hpang mahkawn mangoi langai mi mahkawn nna, shanhte gaw Tsanlun bum de pru sa wa ma ai.

MAHTE 26:36

Dai hpang Yesu gaw shi a sape ni hte rau Getsemane ngu ai shara de du ai rai nna, shanhte hpe, “Ngai akyu hpyi na wora de sa nga yang, nang e naw dung nga mala,” ngu wu ai.

MARKU 14:26

Dai hpang shanhte gaw mahkawn mangoi langai mi mahkawn shakawn ngut jang, Tsanlun bum de pru sa wa ma ai.

MARKU 14:32

Getsemane mying ai sun de shanhte du ma ai rai nna, Yesu gaw, “Ngai akyu hpyi nga yang, nanhte nang e dung nga mala,” ngu nna shi a sape ni hpe tsun wu ai.

MARKU 14:42

Rawt mu, anhte sa wa saga. Yu mu, ngai hpe ap kau na masha wa gaw nang e rai nga ai,” ngu nna shanhte hpe tsun mu ai.

YAWHAN 14:31

Rai ti mung, nye a Wa hpe tsaw ra nga nngai gaw, mungkan ga chye lu na hte, nye Wa e ngai hpe matsun jaw dat ai hte maren she, ngai galaw nga nngai. “Rawt mu, ndai yang kaw na anhte sa wa saga, ngu tsun wu ai.

YAWHAN 18:26

Petru e kahtam nna na di ai wa hte hpu nau daw ai, Hkinjawng Agyi Kaba a mayam langai mi mung, “Nang sun e dai wa hte rau nga ndai hpe ngai mu nngai n rai ni?,” ngu wu ai.

KASA 21:11

Shi anhte kaw shang nna Pawlu a shingkyit la nhtawm, shi dai shi a lagaw lata gyit nna, “Chyoi pra ai Wenyi ning nga tsun nga ai, ndai shingkyit madu hpe Yuda masha Yerusalem mare e ning di gyit nna, maigan amyu ni a lata de ap kau na mara ai da,” nga nna tsun ai.