YAWHAN 17:8 - Jinghpaw Common Language Bible 2009

⁸ Nang ngai e jaw dat ai mungga hpe, ngai shanhte hpe jaw mawe ai rai nna shanhte mung dai hpe hkap la masai. Nang kaw na ngai du sa ai gaw teng nga ai hpe shanhte chye ma ai hte nang ngai hpe shangun dat ndai hpe mung, kam sham ma ai.

Jinghpaw Hanson Version Bible

⁸ kaning rai nme law nang ngai e jaw dat ai mungga hpe, ngai shanhte hpe jaw mawe ai rai nna, shanhte mung dai hpe hkap la masai majaw, nang kaw na ngai pru sa nngai gaw, shanhte gaja wa teng teng chye ma ai hte, nang ngai hpe shangun dat ndai mung, kamsham ma ai.

YAWHAN 17:8 ပူးပေါင်းရင်းမြစ်များ

GA SHAGAWP 1:23

Nang hpe ngai daru sharin ai shaloi, madat mara la u; nang hpe ngai mai kaja ai hpaji daw ga jaw nna, nye a machye machyang hpaji garan ya na we ai.

GA SHAGAWP 1:3

Dai ni gaw nang hpe myit let ai hte kaning rai asak hkrung nga na lam, kaning rai ding man na lam, myit malang ai hte teng man rap ra na lam hpe sharin ya nga ai.

GA SHAGAWP 2:1

Sha e, ngai nang hpe sharin shaga ai ga hta nang hpe ngai amu galaw shangun ai amu hpe galoi mung hkum malap kau nga et.

GA SHAGAWP 4:10

Sha e, nye a ga hpe madat mara u; nang hpe ngai tsun matsun ai ga ni hpe ja ja madat u, shing rai jang, nang asak galu na rin dai.

GA SHAGAWP 8:10

Gumhpraw a malai, nye a sharin shaga ai ga hpe lata la u; ja jet hta grau nna hpu reng ai machye machyang hpaji hpe lata la u.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

YAWHAN 12:49

Ndai lam teng man nga ai; hpa majaw nga yang, ngai gaw ngai nan nye a ahkang aya hte tsun nngai n rai; ngai hpa baw tsun na kaning ngu sharin shaga na gaw, ngai hpe shangun dat ai nye Wa e hkang dat ni ai.

YAWHAN 14:10

Hpilip e, ngai gaw Wa hta nga nga nngai mung, Wa gaw ngai hta nga nga ai mung, n kam n ni? Ngai nanhte hpe tsun ai ga ni gaw, nye a myit hte ngai tsun ai n rai, ngai hta rawng ai nye Wa gaw shi a amu galaw nga ai.

YAWHAN 15:15

Ya kaw nna ngai nanhte hpe mayam n ngu na ni ai; hpa majaw nga yang, mayam gaw madu galaw nga ai amu hpe n chye wu ai; nanhte hpe jinghku she ngai ngu na made ai, hpa majaw nga yang, nye Wa kaw na ngai na la ai hte yawng, ngai nanhte hpe tsun dan ma sade ai.

YAWHAN 16:27

Hpa majaw nga yang, Wa shi nan nanhte hpe tsaw ra nga ai. Nanhte ngai hpe tsaw ra nna, ngai gaw Wa kaw na du sa ai hpe kam sham myit dai majaw, Wa gaw nanhte hpe tsaw ra nga ai.

YAWHAN 16:30

Nang gaw lam yawng mayawng hpe chye nga ndai mung, gade e mi nang hpe n san ra sai hpe mung, ya anhte chye saga ai; dai re ai majaw, nang Karai Kasang kaw na du sa ai wa re ai hpe anhte kam saga ai,” ngu nna tsun mu ai.

YAWHAN 17:14

Na a mungga ngai shanhte hpe jaw da mase ai; ngai gaw mungkan ga na n rai nngai hte maren, ndai ni mung mungkan ga hte n seng ma ai majaw, mungkan masha ni shanhte hpe n ju n dawng ma ai.

YAWHAN 17:18

Nang ngai hpe mungkan ga de shangun dat ndai zawn, ngai mung shanhte hpe mungkan ga de shangun dat mawe ai.

YAWHAN 17:21

Shanhte nlang hte gaw langai sha tai nga mu ga, ngu nna ngai hpyi nngai. Wa e! Nang gaw ngai hta nga nga nna ngai mung nang hta nga nga nngai zawn, dai ni mung an hta nga nga mu ga, ngu nna ngai hpyi nga nngai. Ngai hpe nang shangun dat ndai gaw, mungkan ga na ni kam sham lu mu ga, shanhte hpe langai sha byin tai shangun u law.

YAWHAN 17:23

Nang ngai hpe shangun dat nna, nang ngai hpe tsaw ra nga ai zawn, shanhte hpe mung tsaw ra nga ai lam, mungkan masha ni chye lu na matu ngai gaw shanhte hta nga nga nna, nang mung ngai hta nga nga ai hte shanhte langai sha tai wa mu ga.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 3:17

Karai Kasang gaw shi a Kasha hpe mungkan ga de shangun dat ai gaw, mungkan masha ni hpe tara dara na matu n rai, shi a marang e hkye hkrang la ai hkrum na she, shangun dat wu ai.

YAWHAN 3:33

Shi a sakse lam hpe hkap la ai wa chyawm gaw, Karai Kasang gaw teng man nga ai, nga nna shagrin ya nga ai.

YAWHAN 6:68

Shaloi Simun Petru gaw, “Madu e, anhte kadai hpang de wa na rai nga a ta? Nang gaw htani htana asak jaw ya ai mungga lu ndai.

YAWHAN 8:42

Shaloi Yesu gaw, “Karai Kasang gaw nanhte a kawa re ai teng nga malit yang gaw ngai hpe tsaw ra na myit dai. Hpa majaw nga yang, ngai gaw Karai Kasang kaw na du sa nna, ya ndai shara e nga nga nngai. Ngai gaw nye a myit hte ngai du sa ai n rai, shi gaw ngai hpe shangun dat nngai.

1 KORINHTU 11:23

Hpa majaw nga yang, ya ngai nanhte hpe shalai ap ya ai sharin shaga ai lam gaw dai Madu kaw na ngai hkam la se ai: dai gaw, hpyen ni a lata de ap kau hkrum na shana e, Madu Yesu gaw muk hpe la nna,

1 KORINHTU 15:1

Hpu nau ni e, ngai nanhte hpe hkaw tsun dan nna nanhte mung hkap la ai hte, dai hta nanhte a makam masham ngang ngang kang kang rai nga sai dai Kabu Gara Shiga a lam ngai nanhte hpe bai shadum mayu made ai.

TARA JAHPRANG 18:18

Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.

1 HTESALONI 2:13

Bai Karai Kasang a chyeju hpe n sim n sa shakawn na lam kaga langai mi naw nga nga mali ai. Nanhte hpang de anhte dai Karai Kasang a mungga sa hkaw tsun dan ai shaloi masha a mungga hpe zawn n rai, Karai Kasang a mungga re ai hku nanhte na nna kam sham ai hte hkap la manit dai. Dai mungga gaw nanhte kam sham ai ni a kata hta bungli galaw ya nga ai majaw Karai Kasang a mungga majing nan rai nga ai.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

1 YAWHAN 4:14

Mungkan ga a hkye hkrang la ai Madu tai u ga, Kawa gaw dai Kasha hpe shangun dat wu ai lam anhte mu lu sagaw ai hte sakse hkam ga ai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.