YAWHAN 17:6 - Jinghpaw Common Language Bible 2009

⁶ Ndai mungkan ga na nang ngai hpe ap ya da ai masha ni hpe ngai chye na shangun sai. Nang shanhte hpe madu da nga ndai rai nna shanhte hpe ngai e jaw nit dai, shing rai shanhte mung na mungga hpe madat mara hkan shatup masai.

Jinghpaw Hanson Version Bible

⁶ Mungkan ga na nang ngai e ap ya ai masha ni hpe, na a amying ningsang ngai shadan ya se ai; shanhte gaw na a ni rai ma ai rai nna, nang shanhte hpe ngai e jaw nit dai; shanhte mung na a mungga hkan shatup masai.

YAWHAN 17:6 ပူးပေါင်းရင်းမြစ်များ

SHAKAWN KUNGDAWN 119:11

Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.

SHAKAWN KUNGDAWN 22:22

Nang hpa galaw dan sai lam, nye a amyu masha ni hpe tsun dan na nngai; shanhte a zuphpawng hta ngai nang hpe shakawn nga na nngai.

PRU MAT 9:16

Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

GA SHAGAWP 2:10

Nang gaw hpaji chye ai wa tai wa nna, na a machye machyang hpaji gaw nang hpe kabu gara shangun na ra ai.

GA SHAGAWP 23:23

Teng man ai, hpaji byeng-ya sharin achyin ai hte chye chyang ai ni hpe manu jahpu jaw nna mari la ging nga ai rai tim, dai gaw manu nau dan ai majaw dut kau na lahpawt lama kaba rai nga ai.

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 12:28

Rai ti mung ngai gaw dai nni nkri hkam na matu she du sa nngai; Wa e, na a mying nsang hpe sha shagrau u law!,” ngu nna tsun wu ai. Shaloi sumsing lamu de na nsen langai mi gaw, “Nye a mying hpe hpung shingkang shagrau se ai, bai naw shagrau na we ai,” nga nna ngoi pru ai.

YAWHAN 15:19

Nanhte ndai mungkan hte seng ai ni rai myit yang gaw, mungkan masha ni gaw tinang a bawsang ni hpe zawn nanhte hpe tsaw ra na myit dai. Rai ti mung ngai gaw nanhte hpe ndai mungkan ga na lata la made ai, nanhte gaw ndai mungkan ga hte n seng myit dai; dai majaw mungkan masha ni nanhte hpe n ju n dawng ma ai.

YAWHAN 15:3

Nanhte chyawm gaw, ngai nanhte hpe tsun dan ai mungga a majaw ya e pyi asan apra rai manit dai.

YAWHAN 15:7

Nanhte ngai hta noi nga nna, nye ga mung nanhte hta noi nga ai rai yang gaw, nanhte hpa hpyi mayu yang hpyi mu, hpyi ai hte maren nanhte lu na myit dai.

YAWHAN 17:12

Ngai shanhte hte rau nga nga ai hte yang, nang ap ya da ai mying nsang a hpung shingkang atsam hte shanhte shim nga hkra bau sin makawp maga mase ai. Dai Chyum Laika hta rawng ai ga hte maren dik wa u ga she, kaja wa hten bya sum hkrum na rai nga ai masha langai mi hta lai nna kaga kadai langai mi pyi hten bya sum hkrum ma ai n rai.

YAWHAN 17:14

Na a mungga ngai shanhte hpe jaw da mase ai; ngai gaw mungkan ga na n rai nngai hte maren, ndai ni mung mungkan ga hte n seng ma ai majaw, mungkan masha ni shanhte hpe n ju n dawng ma ai.

YAWHAN 17:16

Ngai gaw mungkan ga na n rai nngai hte maren, ndai ni mung mungkan ga na n rai ma ai.

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

YAWHAN 17:26

Nang ngai hpe tsaw ra ai tsaw ra n-gaw nwai myit gaw, shanhte hta e mung rawng nga nna ngai mung shanhte hta anga nga na matu, na a lam shanhte hpe shachye shachyang mase ai, matut nna mung shachye shachyang na mawe ai,” nga ai.

YAWHAN 17:7

Nang ngai hpe jaw majaw yawng hte gaw, nang kaw na rai nga ai hpe ya shanhte chye masai.

YAWHAN 18:9

(Ning nga nna tsun ai gaw, “Wa e, nang ngai e jaw ai ni hta na langai mi hpe mung n shamat kau nngai,” nga nna shawng de tsun ga ai ga dik wa na matu rai nga ai.)

YAWHAN 6:37

Nye Wa ngai hpe ap ya ai yawng mayawng hte gaw ngai hpang de du na mara ai, Ngai hpang de du sa ai wa hpe mung, kaja wa ngai n kanawng kau na nngai.

YAWHAN 6:39

Ngai hpe shangun dat ai wa a myit ra ai lam gaw, shi ngai hpe ap ya da sai yawng mayawng hte hta na langai mi mung n yet n mat ai sha, hpang jahtum na nhtoi hta si ai kaw na jahkrung sharawt la na lam nan rai nga ai.

YAWHAN 8:51

Nanhte hpe ngai kaja wa teng teng tsun made ga, nye a sharin shaga ai hpe madat mara hkan sa ai wa gaw galoi mung n si na ra ai,” ngu nna bai htan mu ai.

YAWHAN 8:52

Yuda masha ni gaw, “Nang nat shang ai wa rai nga ai gaw, ya anhte hkrak chye saga ai! Abraham hte myihtoi ni pyi si mat wa masai, dai rai yang, nang chyawm gaw, ‘nye a sharin shaga ai ga madat mara hkan sa ai wa gaw galoi mung n si na ra ai,’ nga nna tsun lu ndai.

KASA 13:48

Maigan amyu ni dai na jang, shanhte kabu gara nga ma ai hte, Madu a mungga hpe shagrau sha-a ma ai, nhtum nwai asak lu la na san da ai ni nlang mung kam sham mat ma ai.

ROMA 11:2

Karai Kasang gaw shawng npawt kaw nna lata la sai shi a amyu masha ni hpe kabai kau nu ai n rai. Chyum Laika hta Elia gaw Israela amyu masha ni hpe mara shagun let Karai Kasang kaw kaning nga hpyi nem ai hpe nanhte chye nga myit dai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

2 TIMOHTI 1:13

Ngai nang hpe sharin ya ai teng man ai mungga hpe nang hkan sa na kasi kamang shatai let ngang ngang jum da nna, anhte Hkristu Yesu hte langai sha tai nhtawm asak hkrung ai hte seng ai makam masham hte tsaw ra myit hta ngang ngang jum manoi nga u.

HEBRE 2:12

Yesu gaw, “Nang galaw ai amu a lam nye a hpu nau ni hpe ngai tsun shana ya na nngai; shanhte a hpawng shingra ka-ang e, nang hpe ngai mahkawn shakawn na nngai,” ngu nna Karai Kasang hpe tsun wu ai.

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.

1 PETRU 1:1

Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

SHINGRAN 3:8

Nang galaw nga ai amu hpe ngai chye nngai. Nang n-gun atsam loi mi sha rawng ti mung, nye a sharin shaga ai ga hpe nang hkan nang nna, nye a ntsa e sadi dung nit dai hpe ngai chye nga nngai. Na a man e kadai mung n la da lu ai chyinghka langai mi ngai hpaw malang da se ai.