YAWHAN 17:4 - Jinghpaw Common Language Bible 2009

⁴ Ga ntsa e ngai gaw na a hpung shingkang shapraw ya ni ai; ngai gun hpai na matu nang ngai hpe ap ya ai amu hpe gun hpai ngut se ai.

Jinghpaw Hanson Version Bible

⁴ Ngai gun hpai na matu, nang ngai e ap ya ai amu hpe, ngai gun hpai ngut se ai rai nna, ga ntsa e na a hpung shingkang shapraw da ya se ai.

YAWHAN 17:4 ပူးပေါင်းရင်းမြစ်များ

LUKA 22:37

Hpa majaw nga yang, ngai nanhte hpe tsun made ga, ‘Dai wa gaw tara tawt lai ai ni hta lawm nga ai,’ nga nna nye a lam ka da ai hte maren, ngai hta byin na ra ai. Dai gaw nye a lam ka da ai chyum ga hte maren byin nga sai majaw rai nga ai,”

YAWHAN 12:28

Rai ti mung ngai gaw dai nni nkri hkam na matu she du sa nngai; Wa e, na a mying nsang hpe sha shagrau u law!,” ngu nna tsun wu ai. Shaloi sumsing lamu de na nsen langai mi gaw, “Nye a mying hpe hpung shingkang shagrau se ai, bai naw shagrau na we ai,” nga nna ngoi pru ai.

YAWHAN 14:13

Shing rai Kasha a marang e Kawa a hpung shingkang dan hkung u ga matu, nye a mying gang nna, nanhte hpyi mahpyi ngai madat ya na nngai.

YAWHAN 14:31

Rai ti mung, nye a Wa hpe tsaw ra nga nngai gaw, mungkan ga chye lu na hte, nye Wa e ngai hpe matsun jaw dat ai hte maren she, ngai galaw nga nngai. “Rawt mu, ndai yang kaw na anhte sa wa saga, ngu tsun wu ai.

YAWHAN 15:10

Ngai gaw nye Wa a hkang da ai ga ni hpe madat mara hkan shatup nna, shi a tsaw ra ai hta maju jung nga nngai zawn, nanhte mung nye a hkang da ai ga ni hpe madat mara hkan shatup myit yang gaw, nye a tsaw ra ai hta maju jung na myit dai.

YAWHAN 19:28

Yesu gaw dai ahkying hta amu mahkra ngut sai hpe chye wu ai rai nna, dai Chyum Laika hta ka da ai hte maren shadik na matu, “Ngai hpang gara nngai,” ngu nna tsun wu ai.

YAWHAN 19:30

Yesu gaw dai ntsin hkri hkap la lu ngut jang, “Ngut ma sali ai!,” nga nhtawm, baw nga di nna nsa hti mat wa ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 5:36

Rai ti mung ngai lu ai sakse gaw Yawhan hkam ya ai sakse hta grau kaba li ai, hpa majaw nga yang, ngai galaw ai gaw, ngai gun hpai shangut na matu, nye Wa e ngai hpe ap ya ai amu ni rai nga ai rai nna, ya ngai gun hpai nga ai amu ni e pyi, ngai hpe nye Wa e shangun dat ai lam sakse hkam ya nga ai.

YAWHAN 9:3

Yesu gaw, “Ndai wa a myi n mu ai lam gaw, shi a mara hte mung, kanu kawa ni a mara hte mung, hpa n seng nga ai. Shi myi n mu ai gaw Karai Kasang a n-gun atsam shi hta magam bungli galaw nga ai lam mu lu na matu rai nga ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

2 TIMOHTI 4:7

Ngai gaw gat shingjawng ai lam hta atsam htum hkra gat shakut se ai; gat na matu tawn da ai shadawn shadang hpe htum hkra gat shadu se ai; dai makam masham hpe ngai hkan shatup ni ai.