YAWHAN 16:4 - Jinghpaw Common Language Bible 2009

⁴ Rai ti mung shanhte a matu ndai lam ni galaw na nhtoi du wa ai shaloi nanhte bai dum lu myit ga ngu nna ga ndai ngai nanhte hpe tsun tawn da ni ai. “Shawng de gaw ngai nanhte hte rau naw nga nga nngai majaw, ngai nanhte hpe dai lam ni n tsun yu nngai.

Jinghpaw Hanson Version Bible

⁴ Rai timung, shanhte a nhtoi du ai shaloi, ngai nanhte hpe ning ngu tsun hkap da sai gaw, nanhte dum lu myit ga, ngu nna ga ndai ngai nanhte hpe tsun nngai: shawng de gaw ngai nanhte hte rau naw nga nngai majaw, ngai nanhte hpe ning ngu n tsun yu nngai.

YAWHAN 16:4 ပူးပေါင်းရင်းမြစ်များ

MAHTE 10:7

Pru hkawm nna ‘Sumsing lamu a Mungdan gaw ni wa magang ra ai,’ ngu nna hkaw tsun dan mu.

MAHTE 24:25

Madat mu! ndai lam garai n byin kaw nna ngai nanhte hpe tsun hkap da ni ai.

MAHTE 9:15

Yesu gaw shanhte hpe, “La nnan wa a hkungran gawk hte seng ai manaw manang ni gaw, la nnan wa hte rau naw nga nga yang, shanhte yawn hkyen hkrum na ma hka? N rai law! Rai ti mung, la nnan wa hpe shanhte kaw na jahka la kau ya ai nhtoi du na ra ai; dai shaloi shanhte lusha gam na mara ai.

MARKU 13:23

Nanhte sadi nga mu! Ngai nanhte hpe ndai lam shagu garai n byin kaw nna tau tsun dan ni ai.

MARKU 2:19

Yesu gaw, “Hkungran ai la nnan wa a manaw manang ni gaw la nnan wa hte rau nga nga ai ten hta lusha gam lu na rai ma ni? Kaja wa n rai law! la nnan wa shanhte hte rau naw nga nga ai laman e, shanhte lusha gam na ma ai n rai.

LUKA 1:2

Dai lam ni hpe shawng npawt kaw nna, tinang myi hte mu yu sai, dai Kabu Gara Shiga hkaw tsun ai ni tsun dan ai hte maren shanhte ka lajang da masai.

YAWHAN 13:19

Dai lam byin pru wa ai shaloi, ‘Ngai gaw ngai wa rai nga nngai,’ hpe nanhte kam sham wa lu myit ga ngu nna dai lam hpa garai n byin yang, ya ngai nanhte hpe tau tsun magang da made ai.

YAWHAN 14:29

Dai lam ni byin pru wa ai shaloi, nanhte kam sham lu myit ga, ngu nna garai n byin pru yang, ngai nanhte hpe tsun da made ai.

KASA 9:16

Nye a mying majaw shi hkrum lu na ra ai matsan tsin-yam ni yawng hpe ngai nan shi e madun na we ai,” ngu wu ai.

2 HTESALONI 2:5

Ngai gaw nanhte hte rau naw nga ai shaloi e, ndai yawng mayawng hte a lam nanhte hpe tsun dan ga ni ai. Nanhte n dum myit ni?

2 PETRU 1:14

Anhte a Madu Yesu Hkristu ngai hpe asan sha tau tsun da sai hte maren, ndai si chye ai hkum hkrang hpe kade n na yang raw kabai kau na ra ai hpe ngai chye nga nngai.