YAWHAN 16:3 - Jinghpaw Common Language Bible 2009

³ Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai.

Jinghpaw Hanson Version Bible

³ Shanhte gaw nye Wa hpe mung, ngai hpe mung n chye ma ai majaw, shing di na mara ai.

YAWHAN 16:3 ပူးပေါင်းရင်းမြစ်များ

LUKA 10:22

“Nye Wa gaw arai yawng mayawng ngai hpe ap ya ni ai, Kasha wa kadai rai nga ai hpe Wa hta kaga kadai mung n chye ai, Wa kadai re ai mung, Kasha wa hte dai Kasha e shadan dan na matu lata la ai wa hta kaga kadai mung n chye nga ai.”

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

YAWHAN 15:23

Ngai hpe n dawng ai wa gaw, nye Wa hpe mung n dawng ai wa rai nga ai.

YAWHAN 17:25

Ding hpring ai Wa e! Mungkan ga na ni nang hpe n chye ma ti mung, ngai nang hpe chye nga nngai; nang ngai hpe shangun dat ndai gaw ndai masha ni chye ma ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 8:19

Dai rai nna shanhte gaw, “Na nwa gaw kanang nga lit ta?,” ngu nna shi hpe san mu ai. Yesu gaw, “Nanhte ngai hpe mung, nye Wa hpe mung n chye myit dai. Nanhte ngai hpe chye myit taw gaw, Nye Wa hpe mung chye na manit dai,” ngu nna bai htan mu ai.

YAWHAN 8:55

Rai ti mung nanhte shi hpe n chye myit dai, ngai chyawm gaw chye nngai. Lama shi hpe n chye nngai ngu yang gaw, nanhte zawn masu ai wa ngai rai na ra ai. Rai ti mung ngai shi hpe chye nga nngai rai nna, shi a ga hpe madat mara hkan sa nga nngai.

KASA 3:17

Ya rai ti mung hpu nau ni e, nanhte hte nanhte a du agyi ni Yesu hpe nanhte a n chye n chyang ai a majaw galaw kau nga ai lam ngai chye nga nngai.

1 KORINHTU 2:8

Mungkan a du hkawhkam ni hta na kadai wa mung ndai hpaji byeng-ya hpe chye ma ai n rai; chye taw gaw, hpung shingkang rawng ai Madu hpe shanhte wudang hta jen da na ma ai n rai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

1 YAWHAN 2:23

Dai Kasha hpe ndang kau ai wa kadai rai t mung, dai Kawa hpe mung ndang kau ai wa rai nga ai. Dai Kasha hpe hkap la ai wa dai Kawa hpe mung hkap la ai wa rai nga ai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

1 YAWHAN 4:8

Tsaw ra ai myit n rawng ai wa gaw, Karai Kasang hpe chye chyang wu ai n rai, hpa majaw nga yang, Karai Kasang gaw tsaw ra ai myit rai nga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.