YAWHAN 15:1 - Jinghpaw Common Language Bible 2009

¹ Yesu tsun ai gaw, “Ngai gaw teng man ai sabyi ru rai nga nngai, nye Wa gaw sabyi sun galaw ai wa rai nga ai.

Jinghpaw Hanson Version Bible

¹ “Ngai gaw tengman ai tsabyi ru rai nga nngai, nye Wa gaw tsabyi sun madu rai nga ai.

YAWHAN 15:1 ပူးပေါင်းရင်းမြစ်များ

Shawlumon A Mahkawn Ga 7:12

An gaw jahpawt jau rawt nna sabyi ru tu wa, n tu wa ai hpe mung, pu majawm, n majawm ai hpe mung, hkainu si hpun ni pu ai, n pu ai hpe mung sa mada yu ga. Dai yang e, nye a tsaw ra myit nang hpe ap ya na de ai.

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

YEREMIA 12:10

Law la ai maigan up hkang du salang ni gaw nye a sabyi sun hpe jahten kau manu ai; shanhte gaw nye a sun ni hpe kabye anut kau ya mi ai; shanhte gaw tsawm la ai nye a mungdan hpe zaibru jang shatai kau ya mani ai.

YEREMIA 2:21

Ngai gaw nang hpe grai kaja htum ai nli tum kaw na sabyi ru hpe hkai da ni ai. Rai ti mung, nang hpa baw tai mat nga nit dai hpe yu yu u! Nang gaw yat mat nna manu n dan ai sabyi ru zawn rai nga ndai.

EZEKELA 19:10

Na a kanu gaw hka kau e hkai ai sabyi ru hte bung nga ai hka shi langai a makau e hkai da nga ai. Hpa majaw nga yang, hka alaw alam nga ai rai nna, sabyi ru gaw alap ni hte asi ni hte ka-up da nga ai.

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

ZEHKARIA 3:8

Dai rai nna Hkinjawng Kaba rai nga ai Yawshu e, madat u, shi a hkinjawng manang ni e, nanhte gaw htawm hpang du na ra ai aten a matu mai kaja ai a kumla rai nga myit dai; ngai gaw nye a shangun ma rai nga ai Lakung ngu shaga hkrum ai wa hpe madun dan na nngai!

MAHTE 15:13

Yesu gaw, “Sumsing lamu e nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MAHTE 20:1

“Sumsing lamu a Mungdan gaw, sabyi sun madu langai mi hkrum katut ai mabyin masa hte bung nga ai. Kalang mi na sabyi sun madu langai mi gaw, shi a sabyi sun hta amu galaw na masha saw bang na matu jahpawt jau jau e pru sa wa ai.

MAHTE 21:33

“Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a grup yin e nhpan kum da ai hte, dai hta e sabyi shup na htung htu da nhtawm, langchyi langai mi mung gap da nu ai. Dai hpang, sun galaw sha ai masha ni hpe shap ya nna kaga mungdan de bu hkawm sa mat wa ai.

MARKU 12:1

Dai shaloi ga shadawn hte shanhte hpe tsun mu ai gaw, “Masha langai mi sabyi sun langai mi hkai sharam da nna, de a grup yin e nhpan kum da ai hte sabyi shup na matu htung htu da nna langchyi langai mi gap da wu ai. Dai hpang shi gaw sun shap galaw ai ni hpe boi ya da nna kaga mung de hkawm sa mat wa ai.

LUKA 13:6

Dai hpang Yesu gaw, ndai ga shadawn shanhte hpe tsun mu ai gaw, “Masha langai mi shi a sabyi sun hta hkai da ai maihpang hpun langai mi nga ai. Sun madu gaw shi hta na asi sa tam yang, n mu wu ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 1:9

Dai nhtoi gaw mungkan ga de du sa nna, masha nlang hte a ntsa e jahtoi ya ai nhtoi majing rai nga ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

YAWHAN 6:32

Shaloi Yesu gaw, “Ngai nanhte hpe kaja wa teng teng tsun made ga, nanhte hpe sumsing lamu de na muk jaw ai gaw Mawshe n rai, Nye Wa she sumsing lamu de na teng man ai muk nanhte hpe jaw myit dai.

YAWHAN 6:55

Hpa majaw nga yang, nye a shan gaw teng man ai shahpa majing rai li ai, nye a asai mung teng man ai luhpa rai li ai.

ROMA 11:17

Hkai tawn ai tsanlun hpun a lakung lakying nkau mi hpe gyi kau nhtawm, ngam nga ai de a ndu hta tsanlun chyalam lakung hpe matut nna hkai chye ma ai. Dai tsanlun chyalam lakung gaw tsanlun chyanyi a aru kaw na nam hpun lusha bawk jaw lawm ai zawn, nanhte maigan masha ni mung Yuda masha ni kaw na n-gun rawng ai Wenyi a chyeju akyu ara hkam la lu manit dai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

1 YAWHAN 2:8

Rai ti mung ngai ya nanhte hpang de ka dat ai hkang da ai ga gaw lam mi hku nna ningnan rai nga ai; shing rai ningnan re ai lam teng nga ai hpe Hkristu a asak hkrung lam hta mung, nanhte a mahkrum madup lam ni hta mung, mu lu nga ai. Hpa majaw nga yang, ndai nsin gaw hkoi mat wa nna dai teng man ai nhtoi gaw ya e pyi htoi tu nga ai.