YAWHAN 14:9 - Jinghpaw Common Language Bible 2009

⁹ Yesu gaw, “Hpilip e, ngai nanhte hte nde nlaw na hkra nga nga sati mung, nang ngai hpe n chye n ni? Ngai hpe mu yu ai wa gaw, Wa hpe mu yu nu ai; dai re ai mi, ‘Wa hpe anhte e madun dan mi,’ nga nna hpa rai tsun n ta?

Jinghpaw Hanson Version Bible

⁹ Yesu gaw, “Hpilip e, ngai nanhte hte nde nlaw na hkra nga nga sa timung, nang ngai hpe n chye nni? Ngai hpe mu yu ai wa gaw, Wa hpe mu yu nu ai: dai re ai mi, Wa hpe anhte e madun mi, nga nna hpa rai tsun n ta?

YAWHAN 14:9 ပူးပေါင်းရင်းမြစ်များ

NINGPAWT NINGHPANG 26:9

Abimelek mung Isak hpe shaga la nhtawm, “Yu u, shi gaw na a madu jan rai nga lit dai! Dai re ai mi shi gaw na a kajan re ngu nna nang hpa rai tsun n ta?,” ngu nna tsun wu ai.

SHAKAWN KUNGDAWN 11:1

Madu hta shim nga lu na matu ngai kam hpa nngai. “Ntsa malen u langai mi zawn bum ni hkan pyen hkawm u,

YEREMIA 2:23

Nang nan matsat shabat n galaw ai hte Bala hpe galoi mung n nawku nngai nga nna nang kaning rai tsun lu na rai ta? Kadit hta nang kaning rai yubak galaw nit dai hpe mung yu yu u; nang galaw kau nit dai amu ni hpe mada yu u. Nang gaw zaibru jang hta kagat gasit hkawm nna wuli shalun ai aten kahtet katu hkawm nga ai gawla-uk yi shazai hte bung nga ndai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

LUKA 12:56

Sawt ai masha ni e, lamu hte ga man a lam yu nna du hkra ladaw hpe chye tak maram ginhka lu myit dai, dai re ai mi, ndai prat na lachyum hpe hpa rai n chye na lu myit ta?

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 10:30

Ngai hte nye Wa gaw langai sha rai nga ai,” ngu tsun wu ai.

YAWHAN 12:45

“Ngai hpe mada mu ai wa gaw, ngai e shangun dat ai wa hpe mung mada mu ai rai nga ai.

YAWHAN 14:20

Ngai gaw nye Wa hta nga nga nngai mung, nanhte ngai hta nga nga myit dai mung, dai shani du ai shaloi, nanhte chye lu na myit dai.

YAWHAN 14:7

Ya nanhte ngai hpe chye myit dai rai yang gaw, nye Wa hpe mung nanhte chye na manit dai; ya kaw nna nanhte shi hpe chye manit dai, mu mung mu yu manit dai,” ngu nna shi hpe tsun wu ai.

YAWHAN 8:19

Dai rai nna shanhte gaw, “Na nwa gaw kanang nga lit ta?,” ngu nna shi hpe san mu ai. Yesu gaw, “Nanhte ngai hpe mung, nye Wa hpe mung n chye myit dai. Nanhte ngai hpe chye myit taw gaw, Nye Wa hpe mung chye na manit dai,” ngu nna bai htan mu ai.

1 KORINHTU 15:12

Ya, Hkristu gaw si mat ai ni kaw na bai hkrung rawt wa sai lam hpe anhte hkaw tsun dan nga yang, si mat wa ai ni a bai hkrung rawt wa ai lam n nga ai, nga nna nanhte hta na nkau mi kaning rai tsun lu nga myit ta?

HPILIPI 2:6

Shi gaw galoi mung Karai gawng shingyan hte, nga pra nga timung, Karai Kasang hte maren rai taw nga na, ma ja e magra noi nga na n myit wu ai.

KOLOSE 1:15

Hkristu gaw myi hte n mu lu ai Karai Kasang hpe madun ai myi hte mu lu ai hkrang bung sumla rai nga ai. Shi gaw Kasha alat rai nna hpan da ai arai yawng mayawng hta ningtawn ai wa rai nga ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.