YAWHAN 14:4 - Jinghpaw Common Language Bible 2009

⁴ Ngai sa wa ai shara de du ai lam nanhte chye nga myit dai,” ngu nna tsun mu ai.

Jinghpaw Hanson Version Bible

⁴ Ngai sa wa ai shara de du ai lam nanhte chye nga myit dai,” ngu mu ai.

YAWHAN 14:4 ပူးပေါင်းရင်းမြစ်များ

LUKA 24:26

Meshia gaw shi a hpung shingkang hta garai n shang ningngai yang, shing re ai nni nkri hpe hkam ra ai n rai ni?,” ngu nna tsun mu ai.

YAWHAN 10:9

Ngai gaw chyinghka hku rai nga nngai; ngai hta shang ai wa gaw, hkye hkrang la ai hkrum na wu ai rai nna, shang wa pru wa rai lu ai hte, wudat shara mu na wu ai.

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

YAWHAN 13:3

Yesu gaw Kawa e shi a lata de nga yawng nga pra a ntsa e ahkang aya yawng ap ya sai hpe mung, bai shi gaw Karai Kasang kaw na shi pru sa nna Karai Kasang hpang de bai wa na rai nga ai mung, chye wu ai.

YAWHAN 14:2

Nye Wa a nta e nga shara law law nga ai rai nna, nanhte a matu nga shara lajang na matu she ngai wa nngai. Dai n nga yang gaw, n nga ai, ngu nna ngai nanhte hpe n tsun ai nga na n rai.

YAWHAN 14:28

‘Ngai wa nna, nanhte kaw bai sa na ring ngai,’ ngu nna ngai nanhte hpe tsun ai gaw, nanhte na manit dai, nanhte ngai hpe tsaw ra myit dai rai yang gaw, Wa hpang de ngai wa ai majaw, nanhte kabu na rai myit dai; hpa majaw nga yang, Wa gaw ngai hta grau kaba nga ai.

YAWHAN 14:3

Shing rai ngai wa nna, nanhte a matu nga shara lajang da nhtawm, ngai nga ai shara e, nanhte mung nga lu hkra, ngai bai sa nna nanhte hpe ngai hpang de woi la na made ai.

YAWHAN 14:5

Shaloi Htawma gaw, “Madu e, nang gade sa wa nga ai hpe pyi anhte n chye ga ai mi, dai shara de du ai lam hpe anhte kaning rai chye ga ta?,” ngu nna shi hpe tsun wu ai.

YAWHAN 16:28

Ngai gaw Wa kaw nna nan pru sa nna mungkan ga de du sa ni ai; bai ya ngai mungkan ga hpe kau da nna, Wa hpang de wa na nngai,” ngu mu ai.

YAWHAN 3:36

Kasha wa hpe kam sham ai wa gaw htani htana asak lu la wu ai; Kasha wa a ga hpe n madat ai wa chyawm gaw, asak hkrung ai lam lu la na wu ai n rai; Karai Kasang a sindawng kahtet ai ari hkrum sha na ra ai.

YAWHAN 6:40

Hpa majaw nga yang, nye Wa a myit ra ai lam gaw, Kasha wa hpe mu nna kam sham ai ni yawng mayawng htani htana asak lu la shangun na lam rai nga ai. Ngai mung hpang jahtum na nhtoi hta shanhte hpe ngai sharawt la na mawe ai,” ngu nna shanhte hpe tsun mu ai.