YAWHAN 13:8 - Jinghpaw Common Language Bible 2009

⁸ Petru gaw, “Nye a lagaw hpe nang galoi mung n kashin lu na ndai,” bai ngu wu ai. Bai Yesu gaw, “Ngai na lagaw hpe n kashin lu yang gaw, nang ngai hte n seng ndai,” ngu nna shi hpe tsun wu ai.

Jinghpaw Hanson Version Bible

⁸ Petru gaw, “Nye a lagaw hpe nang galoi mung n kashin lu na ndai,” bai ngu wu ai. Bai Yesu gaw, “Ngai nang hpe n kashin lu yang gaw nang ngai hte n seng ndai,” ngu nna shi hpe tsun wu ai.

YAWHAN 13:8 ပူးပေါင်းရင်းမြစ်များ

NINGPAWT NINGHPANG 42:38

Rai ti mung, Yaku gaw, “Nye a kasha gaw nanhte hte rau yu sa lu na n rai; shi a kahpu mung si mat salu ai, shi langai chyu sha ngam sai. Hkrun lam e shi hta lama ma mung byin hkrum chye nga ai. Ya ngai asak kaba ugut gu ni ai rai nna, ngai hpe yawn hkyen ai amu shabyin nna sat kau na myit dai,” ngu nna tsun wu ai.

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

1 HKAWHKAM 12:16

Hkawhkam wa gaw shanhte a ga n madat ya nga ai hpe amyu masha ni mu jang, shanhte gaw, “Dawi hte shi a dinghku masha ni hpe yeng kau gaw! Anhte a matu shanhte hpa galaw ya nga ma sata? Israela masha ni e, nta de she wa mat saga law! Rehoboam shi hkum shi nan yu la sanu ga!,’” ngu nna jahtau tsun mu ai. Dai rai nna Israela amyu masha ni gumlau rawt nhtawm,

SHAKAWN KUNGDAWN 51:2

Nye a n hkru n shawp ai lam yawng hte hpe kashin kau ya nna, nye a yubak kaw na ngai hpe jasan jaseng la e!

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

MAHTE 16:22

Dai rai nna Petru gaw, Yesu hpe shaga la nna, “Dai nang hta n byin u ga,” ngu nna shi hpe jet kau wu ai.

MAHTE 21:29

Kasha alat wa gaw, ‘Ngai n sa mayu nngai,’ nga ai rai ti mung myit bai galai nna, ‘Ngai sa na nngai,’ nga nna sabyi sun de sa wa ai.

MAHTE 26:33

Shaloi Petru htan nna, “Kaga ni yawng nang hpe kabai kau ma ti mung, ngai chyawm gaw galoi mung, nang hpe n kabai kau na de ai,” ngu nna shi hpe tsun wu ai.

MAHTE 26:35

Petru gaw, “Nang hte rau ngai si yang si u ga, nang hpe ngai n nyet kau lu na nngai!,” ngu nna shi hpe htan wu ai. Kaga sape ni yawng mung dai hte maren tsun nang ma ai.

YAWHAN 13:6

Shing rai Simun Petru kaw du yang, dai wa gaw, “Madu e, nang wa mi ting nye a lagaw kashin na n ni?,” hkap ngu wu ai.

YAWHAN 13:9

Shaloi Simun Petru gaw, “Shaloi rai yang gaw, Madu e, nye a lagaw sha n rai, nye a lata ni hte baw hpe mung kashin ya rit,” ngu wu ai.

YAWHAN 3:5

Yesu gaw, “Ngai nang hpe kaja wa teng teng tsun de ga, hka hte Wenyi e n shangai ai masha gaw, Karai Kasang a Mungdan hta shang lu na n rai.

KASA 22:16

Dai majaw, ya nang hpa rai nna naw ganung nga n ta? Rawt u, Madu a mying nsang gang nna hkalup hkam la u, Na a yubak kashin kau ya u ga, shi kaw akyu hpyi nem nga u,’ nga nna ngai hpe tsun ni ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

TARA JAHPRANG 12:12

Dai yang e, nanhte a kashu kasha ni hte mung, nanhte a shangun ma ni hte mung, lamu ga sali n lu ai majaw nanhte a mare ni hta hkan nga ai Lewi masha ni hte mung, shi a man e rau sha kabu gara lu na rai myit dai. Lewi masha ni lamu ga madu lu na n rai nga ai hpe dum mu.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

KOLOSE 2:23

Ndai zawn re ai tara ni gaw adip arip rai lamu kasa ni hpe naw shangun ai, n teng n man ai hku shagrit shanem shangun ai, hpaji amyu mi re ngu nawn da ai tinang a hkum hpe shagyeng shakyet ai lam ni hpe sharawt ai lam ni, rai nga ma ai. Rai ti mung dai tara ni gaw masha a hkum shan a ra gasit kayut ai myit hpe dip hkang ai lam hta akyu majing hpa mi n rawng nga ai.

TITU 3:5

anhte gaw hkye hkrang la ai hkrum saga ai. Ndai zawn hkye hkrang la hkrum ai gaw anhte nan shachyen ai mai kaja ding hpring ai magam bungli lama ma a majaw n rai, shi nan a matsan dum ai chyeju a majaw rai nga ai. Dai chyeju gaw Chyoi Pra ai Wenyi kaw na hka hte bai shangai ai hte asak ningnan lu la ai lam rai nga ai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.