YAWHAN 13:3 - Jinghpaw Common Language Bible 2009

³ Yesu gaw Kawa e shi a lata de nga yawng nga pra a ntsa e ahkang aya yawng ap ya sai hpe mung, bai shi gaw Karai Kasang kaw na shi pru sa nna Karai Kasang hpang de bai wa na rai nga ai mung, chye wu ai.

Jinghpaw Hanson Version Bible

³ Yesu gaw Kawa e shi a lata de nga yawng nga pra ap ya nu ai mung, Karai Kasang kaw na shi pru sa nna, Karai Kasang hpang de bai wa na rai nga ai mung, chye wu ai majaw,

YAWHAN 13:3 ပူးပေါင်းရင်းမြစ်များ

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

LUKA 10:22

“Nye Wa gaw arai yawng mayawng ngai hpe ap ya ni ai, Kasha wa kadai rai nga ai hpe Wa hta kaga kadai mung n chye ai, Wa kadai re ai mung, Kasha wa hte dai Kasha e shadan dan na matu lata la ai wa hta kaga kadai mung n chye nga ai.”

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 13:1

Ya, aten gaw Shalai wa ai Poi nhtoi a shawng shani e rai nga ai. Yesu gaw ndai mungkan ga na pru nna, shi a Kawa hpang de wa na matu ahkying du wa sai hpe chye wu ai. Shi gaw ndai mungkan ga e nga ai shi a masha ni hpe galoi mung a tsaw ra nga mu ai rai nna, jahtum nhtoi du hkra shanhte hpe tsaw ra mu ai.

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

YAWHAN 3:13

Sumsing lamu de na yu hkrat wa ai Masha Kasha hta kaga kadai mung sumsing lamu de lung wa yu ai n rai.”

YAWHAN 3:35

Kawa gaw Kasha hpe tsaw ra wu ai rai nna ahkang aya yawng mayawng shi a lata hta ap ya nu ai.

YAWHAN 7:29

Rai ti mung ngai gaw shi kaw na du sa nngai majaw mung, shi gaw ngai hpe shangun dat ai majaw mung, ngai gaw shi hpe chye nngai,” ngu nna jahtau tsun wu ai.

YAWHAN 7:33

Yesu gaw, “Ngai nanhte hte rau tawng marang mi sha nga nhtawm ngai hpe shangun dat ai wa hpang de ngai wa mat na nngai.

YAWHAN 8:14

Shaloi Yesu gaw, “Ngai gaw tinang a lam tinang dai sakse hkam nga ti mung, nye a sakse teng nga li ai; hpa majaw nga yang, ngai kanang nna pru sa nna, gade rai wa na mung ngai chye nngai. Nanhte chyawm gaw, ngai kanang na pru sa nna, gade rai na mung n chye myit dai.

YAWHAN 8:42

Shaloi Yesu gaw, “Karai Kasang gaw nanhte a kawa re ai teng nga malit yang gaw ngai hpe tsaw ra na myit dai. Hpa majaw nga yang, ngai gaw Karai Kasang kaw na du sa nna, ya ndai shara e nga nga nngai. Ngai gaw nye a myit hte ngai du sa ai n rai, shi gaw ngai hpe shangun dat nngai.

KASA 2:36

Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.

1 KORINHTU 15:27

Chyum Laika hta, “Karai Kasang gaw arai yawng mayawng hte hpe shi a lagaw npu e tawn da nu ai,” nga nna tsun nga ai. “Arai yawng mayawng,” ngu ai hta Karai Kasang shi hkum dai n lawm ai lam dan leng nga ai. Hpa majaw nga yang, arai yawng mayawng hpe Hkristu a lagaw lahpan npu e tawn da ai Madu gaw Karai Kasang nan rai nga ai.

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.