YAWHAN 12:3 - Jinghpaw Common Language Bible 2009

³ Shaloi Mari gaw grai hpu la ai Mura Nardu sau ajet hkan masum daram la nna, Yesu a lagaw hta chya nhtawm, shi a kara hte katsut kau ya wu ai.

Jinghpaw Hanson Version Bible

³ Shaloi Mari gaw hpu la ai mura nardu sau ajet hkan masum daram la nna, Yesu a lagaw hta chya ya nhtawm, shi a kara hte katsut kau wu ai: dai sau a manam pyaw ai gaw, nhku ting hpring chyat rai nga ai.

YAWHAN 12:3 ပူးပေါင်းရင်းမြစ်များ

SHAKAWN KUNGDAWN 132:2

Madu e, Dawi gaw, “Dai Madu a Nawku Htingnu ngu ai, dai Chyahtum Chyalai n-gun rawng ai Yaku a Karai Kasang a matu nta n gap ngut dingsa, nye a nta de wa na nngai n rai, yupku ntsa de ngai lung na n rai, ngai ban sa la na n rai, ngai yup la na n rai,” nga nna nang hpe shi dagam da ai ga sadi hte Chyahtum Chyalai n-gun rawng ai Yaku a Karai Kasang hpe, shi tawn da nu ai ga ndat hpe dum nga u.

GA SHAGAWP 27:16

Nang shi hpe kaning rai shazim lu na rai ta? Nang gaw nbung hpe jahkring yu nni? Shing n rai, sau latup mi hpe magra da yu a ni?

Shawlumon A Mahkawn Ga 1:12

Nye a hkawhkam wa gaw shi a yup ku hta kaleng taw nga ai, nye a manam pyaw ai bat gaw nbung hta manam mawng nga ai.

Shawlumon A Mahkawn Ga 1:3

Nang hta manam pyaw ai baw bat nga nga ai; na a mying shingteng gaw dai hpe marit nga ai. Numsha kadai mung nang hpe tsaw ra nga ma ai.

Shawlumon A Mahkawn Ga 4:10

Nye a nja jan, nye a num nnan e, na a tsaw ra ai gaw ngai hpe ra sharawng shangun nga ai. Na a tsaw ra ai gaw sabyi ntsin hta grau kaja nga ai; na a manam pyaw ai bat gaw kaga namji namya mahkra hta grau manam pyaw nga ai.

LUKA 10:42

Rai ti mung, ra grau ai lam gaw langai sha rai nga ai, Mari gaw jaw ai lam lata la nu ai rai nna, dai hpe shi kaw na shaw la kau ya lu na n rai,” ngu nna shi hpe htan wu ai.

LUKA 7:46

Nye a baw hpe tsanlun sau n chya ya ndai; shi chyawm gaw nye a lagaw hpe mura chya ya ni ai.

YAWHAN 11:2

(Ndai Mari gaw, Madu a lagaw hta mura sau ru bun nna shi kara hte katsut kau ya ai numsha rai nga ai.)

YAWHAN 11:28

Marhta gaw shing nga tsun ngut jang shi a kanau Mari hpe wa lagyim shaga la nna, “Sara nang de sa wa ra ai, nang hpe san nga ai,” ngu wu ai.

YAWHAN 11:32

Mari gaw Yesu nga ai shara de du nna shi hpe mu ai shaloi jang, shi a lagaw nhpang e dingnyawm dagup let, “Madu e nang lama nang e nga ndai rai taw gaw ngai yung n si na re!,” ngu wu ai.

YAWHAN 19:39

Shawng de shana e Yesu kaw sa chyai yu ai Nikodi mung Mura hte achyaw (Aloes) kayau ai manam pyaw ai baw sau pawng latsa daram la sa nna Yosep hte rau hkan nang sa ai.