YAWHAN 12:2 - Jinghpaw Common Language Bible 2009

² Shaloi shanhte gaw shi hpe shana shat daw jaw mu ai rai nna, Marhta gaw shat lu sha jau nga ai; Lazaru gaw Yesu hte rau dung nga nna lu sha ai ni hta lawm ai wa langai mi rai nga ai.

Jinghpaw Hanson Version Bible

² Shaloi shanhte gaw shi hpe shana shat hkap daw mu ai rai nna, Marhta gaw shat lusha jau nga ai: Lazaru gaw shi hte dung nga nna lusha ai hta lawm ai wa langai mi, rai nga ai.

YAWHAN 12:2 ပူးပေါင်းရင်းမြစ်များ

Shawlumon A Mahkawn Ga 4:16

Dingdung nbung e rawt u. Dingda nbung e nye a sun de manam pyaw bat hte hpring ai nbung bung wa u ga. Nye a tsaw ra ai wa shi a sun de sa wa nna, dai sun na kaja htum ai asi sha lu u ga.

MAHTE 26:6

Ya, Yesu gaw Behtani kahtawng na, manggang kap ai Simun a nta e rai nga ai.

MARKU 14:3

Yesu gaw Behtani kahtawng na manggang ana kap yu ai Simun a nta e du nga ai. Ya, Yesu lusha sha dung nga yang, numsha langai mi gaw, nachying hpu ging nna manam pyaw ai mura nardu sau jet hpring hkra rawng ai lunghpraw ndum langai mi lang nna shang wa ai. Shi gaw dai hpe gang daw nna Yesu a baw hta e ru bun ya wu ai.

LUKA 12:37

Dai madu du wa yang maja nga mala ai hpe, madu hpe wa mu lu shangun ai shangun ma ni gaw a lu ma ai. Ngai nanhte hpe tsun made ga, shi a ntsa palawng hpe raw nna, shanhte hpe sha ku grup dung shangun nna galaw daw na ra ai.

LUKA 14:12

Dai hpang Yesu gaw, shi hpe shaga ai nta madu wa hpe mung, shi tsun wu ai gaw, “Jahpawt shat, shing n rai, shana shat nang galaw daw ai rai yang, na a jinghku ni, nhpu nnau ni, mayu dama ni, shing n rai, lu su ai htingbu ni hpe hkum shaga et, hpa majaw nga yang, shanhte nang hpe bai shaga daw na mara ai.

LUKA 22:27

Kadai mahtang grau kaba a ta? Sha dung nga ai wa kun? Shing n rai galaw jaw ai wa kun? Sha dung nga ai wa re ai n rai ni? Rai ti mung ngai gaw, nanhte hta na galaw jaw ai wa zawn rai nga nngai.

LUKA 5:29

Shaloi Lewi gaw shi a nta e, Yesu a matu lusha poi kaba galaw wu ai, Manam ni hta kang hta ai ni law law hte kaga masha ni shanhte hte rau dung nga ma ai.

SHINGRAN 3:20

Yu u! Ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai ti mung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.