YAWHAN 11:9 - Jinghpaw Common Language Bible 2009

⁹ Yesu gaw, “Lani mi hta ahkying shi lahkawng re ai n rai i? Shani chyingtung e hkawm sa ai wa gaw, ndai mungkan ga a nhtoi hpe mu lu ai rai nna, ahtu kataw n rai nga ai.

Jinghpaw Hanson Version Bible

⁹ Yesu gaw, “Lani mi hta ahkying shi lahkawng re ai, n rai ni? Shani chyingtung e hkawm sa ai wa gaw, ndai mungkan ga a nhtoi hpe mu lu ai rai nna, ahtu kataw n rai ga ai:

YAWHAN 11:9 ပူးပေါင်းရင်းမြစ်များ

GA SHAGAWP 3:23

Na a lam hta shim lum ai hte nang hkawm sa wa lu nna, na a lagaw pyi galoi mung, ahtu na ra ai n rai.

YEREMIA 31:9

Nye a amyu masha ni gaw hkrap ai hte nhtang wa na mara ai; akyu hpyi ai ni hpe ngai bai woi wa na nngai. Ngai gaw hka kau lam hku ahtu kataw shara n nga hkra tsawm htap manu ai lam hte shanhte hpe woi lakawn wa na nngai. Ngai gaw Israela a kawa rai nga nngai; Ehprim gaw nye a kasha alat rai nga ai,” ngu nna tsun ai.

YAWHAN 11:10

Rai ti mung shana nsin e hkawm sa ai wa chyawm gaw, shi nhtoi n lu ai majaw, ahtu kataw nga ai,” ngu mu ai.

YAWHAN 12:35

Yesu gaw, “Dai nhtoi gaw nanhte hta loi hkring mi sha nga nga na sai; dai nsin gaw nanhte hpe garai n ka-up lep myit ga, nanhte hta nhtoi naw nga nga yang, matut nna hkawm sa mu, hpa majaw nga yang, nsin hta hkawm sa ai wa gaw, tinang gade sa wa nga ai mung, n chye wu ai.

YAWHAN 9:4

Shani ninghtoi naw rai nga dingsa gaw, ngai hpe shangun dat ai wa a magam amu hpe anhte gun hpai nga lu na rai nga ai. Kadai mung amu n gun n hpai lu ai shana ahkying du na ra ai.

1 YAWHAN 2:10

Kadai rai ti mung shi a kahpu kanau wa hpe tsaw ra ai wa gaw, dai nhtoi hta e nga nga ai wa rai nna, shi hta e masha langai ngai hpe yubak galaw shangun ai baw hpa mung n rawng nga ai.