YAWHAN 11:54 - Jinghpaw Common Language Bible 2009

⁵⁴ Dai majaw Yesu gaw, Yuda mung e adan aleng n hkawm sa ai sha, dai yang na pru nhtawm, nam mali hte ni ai Ehprim ngu ai mare de sa wa nna shi a sape ni hte rau dai yang e nga nga ai.

Jinghpaw Hanson Version Bible

⁵⁴ Dai majaw Yesu gaw Yuda masha ni kaw, dan dan bai n hkawm ai sha, dai yang na pru nhtawm, nam de ni ai ginwang na Ehprim ngu ai mare de sa wa nna, shi a sape ni hte rau dai yang e nga nga ai.

YAWHAN 11:54 ပူးပေါင်းရင်းမြစ်များ

2 SAMUELA 13:23

Ya lahkawng ning lai jang, Absalom gaw Ehprim mare makau na Bala Hazora shara e shi a sagu mun ni hpe rep nga ai rai nna dai shara de hkawhkam wa a shadang sha ni yawng sa na matu saw shaga dat wu ai.

2 HKAWHKAM LABAU 13:19

Abiya gaw Yeroboam a luksuk hpe hkan shachyut kau nhtawm shanhte a mare nkau mi ngu na Behtela, Yeshana, Ehpron hte dai mare ni a makau hkan nga ai kahtawng ni hpe madu la kau ya ma ai.

YAWHAN 10:40

Yesu gaw Yawdan hka wora hkran na shawng de Yawhan hkalup jaw ai shara de bai rap sa wa nna, dai yang e, sa nga nga ai.

YAWHAN 18:20

Yesu gaw, “Ngai galoi mung masha yawng mayawng a man e, dan dan leng leng hkaw tsun ni ai, Yuda masha ni nlang zuphpawng ai tara jawng ni hta mung, Nawku Htingnu hta mung, ngai sharin shaga ni ai. Makoi magap nna ngai hpa mung n hkaw n tsun nngai.

YAWHAN 7:1

Dai hpang Yesu gaw Galile mung hkan hkawm sa nga ai. Ahkaw ahkang lu ai Yuda masha ni shi hpe sat kau na la nga ma ai majaw Yuda mung e n hkawm mayu wu ai.

YAWHAN 7:10

Shi a kanau ni dai poi de lung mat wa ai hpang, Yesu mung dai de dan leng ai hku n re ai sha mayun mayoi ai hku sa lawm nga ai.

YAWHAN 7:13

Rai ti mung shanhte gaw Yuda masha ni hpe hkrit ai majaw, kadai mung shi a lam leng leng n tsun ma ai.

YAWHAN 7:4

Kajai gumhkawng na hpe ra ai wa kadai mung, shi galaw nga ai hpa amu hpe mung makoi magap di da ga ma ai n rai. Nang gaw ndai mauhpa amu ni hpe galaw nga nit dai majaw, na a lam mungkan ting hpe chye shangun u,” ngu nna shi hpe tsun mu ai. (