YAWHAN 11:52 - Jinghpaw Common Language Bible 2009

⁵² Shing rai si hkam ai lam gaw dai amyu a matu sha n rai, shara shagu hkan bra nga ai Karai Kasang a amyu masha ni hpe langai sha di nna, shinggyin jahpawng da na matu si hkam lu na re ai, ngu nna mung myihtoi ga hte tsun ai, rai nga ai.

Jinghpaw Hanson Version Bible

⁵² dai amyu a matu sha n rai, shara shagu hkan e bra nga ai, Karai Kasang a kashu kasha ni hpe langai sha di nna, shinggyin jahpawng da na matu si hkam lu na re ai, nga nna mung, myihtoi ga hte tsun ai rai nga ai.

YAWHAN 11:52 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

SHAKAWN KUNGDAWN 22:15

Nye a yuhkraw gaw ga nhpu zawn hkraw mat nna; nye a shinglet nye a gumra hta kap mat nga ai. Nang gaw ngai hpe ga nhpu hta si na matu tawn kau da nit dai.

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

ESAIA 49:18

Grup yin de mada yu nna hpa byin nga ai hpe yu u! Na a amyu masha ni gaw zup hpawng nga ma ai, shanhte gaw dum nta de wa nga ma ai! Ngai gaw ahkrung nga ai Karai Kasang rai nga ai hte maren, num nnan gaw shi mawn sumli da ai ja lung seng ni a majaw gumrawng lu ai zawn nang mung na a amyu masha ni a majaw gumrawng lu na rai ndai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 55:5

Ya chyawm gaw, nang gaw nang hpe lang mi mung n chye ai maigan masha amyu baw ni hpe nang shaga ai hte shanhte nang hte matut na matu kagat shang wa na mara ai! Ngai gaw dai Madu na a Karai Kasang, Israela a chyoi pra ai Karai Kasang rai nga nngai, ndai yawng mayawng hpe ngai shabyin dat na nngai; ngai gaw nang hpe arawng sadang hte hpung shingkang ap ya na nngai,” ngu nna tsun ai.

ESAIA 56:8

Bawng dung hkrum ai kaw na Israela dum nta de woi wa ai Tsaw Htum ai dai Madu gaw shi a amyu masha ni hte matut mahkai wa na matu kaga masha ni hpe naw woi wa na ra ai, ngu ga sadi tawn da nga sai.

ESAIA 60:4

Grup yin de mada yu nna hpa byin nga ai hpe yu yu u: Na a amyu masha ni gaw dum nta de wa na matu zup hpawng nga ma ai! Na a shadang sha ni sumtsan kaw na wa na mara ai; Na a shayi sha ni ma kaji ni zawn pawn ba la ai hkrum na mara ai.

EZEKELA 34:12

Sagu rem wa gaw bra hkawm nga ai shi a sagu ni hpe bai shinggyin da nna lanu lahku ai hte maren, lamu sin mak mat nna tsin-yam hkrum ai shani e, shanhte bra hkawm mat wa ai shara shagu hkan na shanhte hpe bai woi wa na nngai.

HOSEA 1:10

Israela amyu masha ni mung n dang hti, n dang shadawn lu hkra re ai panglai zaibru zawn tai wa na mara ai. Ya chyawm gaw Karai Kasang shanhte hpe, “Nanhte gaw nye a amyu masha ni n rai nga myit dai,” ngu nna tsun ai. Rai ti mung, dai nhtoi du du wa ai shaloi shi gaw shanhte hpe, “Nanhte gaw ahkrung nga ai Karai Kasang a kashu kasha ni rai nga myit dai!,” ngu nna tsun na ra ai.

LUKA 15:8

“Bai numsha langai mi, gumhpraw dengga shi lu ai hta na dengga mi mat mat ai rai yang, shi kaning rai galaw na rai ta? Shi, pyengdin shatu nhtawm, shi a nta hpe ye seng nna n mu yang mu hkra atsawm sha shara shagu tam yu wu ai.

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

YAWHAN 1:12

Rai ti mung nkau mi shi hpe hkap la kam sham ma ai rai nna, shi gaw shanhte hpe Karai Kasang a kasha ni tai lu ai ahkang jaw mu ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.

YAWHAN 12:32

Ngai chyawm gaw ga nna sharawt da ai hkrum jang, ngai masha yawng mayawng hpe ngai hpang de gang la na mawe ai,” ngu tsun wu ai.

KASA 18:10

Hpa majaw nga yang, ngai nang hte rau rai nga nngai, nang hpe kadai mung hkra lu na n rai, ndai mare hta nye a masha ni law law nga ma ai,” ngu nna tsun wu ai.

ROMA 3:29

Karai Kasang gaw Yuda amyu masha ni a Karai Kasang sha rai ni? Tara maigan masha ni a Karai Kasang mung rai nga ai n rai ni? Rai sa, shi rai nga ai.

ROMA 4:17

Dai gaw, “Ngai nang hpe masha amyu law law a kawa shatai sade ai,” nga nna Chyum Laika hta tsun da ai hte maren rai nga ai. Dai rai nna Abraham kam sham ai Karai Kasang a man e dai ga sadi gaw mai kaja ai hte grin nga malit dai. Shi gaw Abraham kam sham ai Karai Kasang, si mat ai ni hpe jahkrung ya ai Karai Kasang, shawng de garai n byin yu ai arai ni byin tai paw pru wa hkra hkang da ai Karai Kasang, shi nan rai nga ai.

EHPESU 1:5

Shi gaw shi a tsaw ra myit a majaw Hkristu a marang e anhte hpe shi a kasha ni ngu nna yin la na matu myit daw dan da nu ai. Dai gaw shi a ra sharawng ai hte shatawng shada ai lam rai nga lu ai.

EHPESU 3:11

Karai Kasang gaw shi a htani htana shatawng shada ai lam nga ai hte maren anhte a Madu Yesu a marang e ndai lam hpe shi shabyin nu ai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

1 PETRU 1:1

Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.

1 YAWHAN 3:2

Tsaw ra ai ni e, anhte ya e Karai Kasang a kashu kasha ni rai nga ga ai, rai tim hpang de anhte hpa mi tai na dan leng hkra garai n chye lu ga ai: rai ti mung Hkristu dan pru ai shaloi anhte shi hte bung na ga ai, hpa majaw nga yang shi nan teng teng rai nga ai hpe anhte mu lu na gaw ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.