YAWHAN 11:41 - Jinghpaw Common Language Bible 2009

⁴¹ Dai rai nna shanhte gaw dai nlung hpe galau kau mu ai. shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

Jinghpaw Hanson Version Bible

⁴¹ Dai rai nna nlung dai hpe shanhte galau kau mu ai. Shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

YAWHAN 11:41 ပူးပေါင်းရင်းမြစ်များ

SHAKAWN KUNGDAWN 123:1

Madu e, nang up hkang nga ai Sumsing lamu de ngai mada yu nngai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 11:26

Rai sa, Wa e, ndai hku byin ai lam gaw, na a myit ra ai lam hte maren rai nga lit dai.

MAHTE 27:60

Yosep shi nan a matu lunghkrung lungrawk hta krawk da ai lup ningnan hta e bang tawn da wu ai. Dai hpang lung byen kaba mung, dai lup a mahka e shi galau pat da nna wa mat ai.

MARKU 15:46

Yosep gaw lachyit sumpan mari la nna, dai moi mang hpe shayu nhtawm, sumpan hte ahkyen kayawp ngut jang, nlung hta krawk da ai lup hta e bang tawn da wu ai.

LUKA 10:21

Dai ahkying hta Yesu gaw Chyoi Pra ai Wenyi a majaw kabu ai myit hte hpring nna, “Sumsing lamu hte ginding aga a Madu, Wa e! Hpaji byeng-ya rawng ai ni hte myit kunghpan ai ni kaw na, nang makoi magap da ai dai teng man ai lam ni hpe hpaji kata ai ni e nang madun dan ndai majaw, ngai nang hpe shakawn kungdawn nngai. Rai sa, Wa e, dai gaw nang tsaw ra ai hku byin shangun mayu ai lam rai nga lit dai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

LUKA 24:2

Shanhte gaw, dai lup mahka kaw na nlung galau mat nga ai hpe mu ma ai.

YAWHAN 11:22

Ya rai ti mung Karai Kasang kaw nang hpyi mahpyi hte gaw, shi nang hpe jaw na ra ai, ngai chye nngai,” ngu nna Yesu hpe hkap tsun wu ai.

YAWHAN 17:1

Dai lam hpe Yesu tsun ngut jang, shi gaw lamu de mada yu nna, “Wa e, nye a ahkying du sali ai. Ngai nsha wa gaw na a hpung shingkang shapraw ya lu n ga, ngai nsha wa a hpung shingkang hpe mung shapraw ya e law.

YAWHAN 20:1

Laban jahpawt nhtoi garai n htoi lu yang, Magdala Mari gaw jau jau e lup de sa wa ai rai nna, lup chyinghka pat da ai nlung sit mat nga ai hpe mu wu ai.

KASA 7:55

Rai ti mung Stehpan chyawm gaw Chyoi Pra ai Wenyi hpring nna lamu de azi yu wu yang Karai Kasang a hpung shingkang hte Karai Kasang a hkra maga de tsap nga ai Yesu hpe mu wu ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.