YAWHAN 11:4 - Jinghpaw Common Language Bible 2009

⁴ Yesu gaw dai ga na jang “Dai machyi ai gaw si machyi n rai, Karai Kasang a hpung shingkang dan hkung shangun na matu hte de a majaw Karai Kasang a Kasha gaw hpung shingkang dan hkung wa na ra ai,” ngu nna tsun wu ai.

Jinghpaw Hanson Version Bible

⁴ Yesu gaw dai ga na jang, “Dai machyi gaw si machyi n rai: de a majaw Karai Kasang a Kasha hpung shingkang dan pru u ga nga nna, Karai Kasang a hpung shingkang matu byin ai rai nga ai,” ngu nna tsun dat wu ai.

YAWHAN 11:4 ပူးပေါင်းရင်းမြစ်များ

PRU MAT 16:7

Jahpawt e mung nanhte gaw htoi kabrim ai dai Madu a hpung shingkang hpe mu lu na marin dai. Nanhte shi hpe aput ai ga, rai sa, dai aput ai ga hpe shi na nu ai; an chyawm gaw shi a ga matsun ni hpe chyu sha gun hpai ai yan rai nga ga ai,” ngu nna tsun ma ai.

YAWHAN 10:38

Ngai galaw nngai rai yang gaw, nanhte ngai hpe n kam hkra rai ti mung, ngai hta nye Wa nga nga ai mung, nye Wa hta ngai nga nga ai mung, nanhte kalang ta mu nna chye lu myit ga, n law htum dai ngai galaw ai amu ni hpe nanhte kam sham ang myit dai,” ngu nna shanhte hpe htan mu ai.

YAWHAN 11:40

Yesu gaw, “Nang kam n yang gaw, Karai Kasang a hpung shingkang nang mu lu na rin dai, ngu nna ngai tsun sade ai n rai ni?,” ngu nna shi hpe tsun wu ai.

YAWHAN 12:28

Rai ti mung ngai gaw dai nni nkri hkam na matu she du sa nngai; Wa e, na a mying nsang hpe sha shagrau u law!,” ngu nna tsun wu ai. Shaloi sumsing lamu de na nsen langai mi gaw, “Nye a mying hpe hpung shingkang shagrau se ai, bai naw shagrau na we ai,” nga nna ngoi pru ai.

YAWHAN 17:1

Dai lam hpe Yesu tsun ngut jang, shi gaw lamu de mada yu nna, “Wa e, nye a ahkying du sali ai. Ngai nsha wa gaw na a hpung shingkang shapraw ya lu n ga, ngai nsha wa a hpung shingkang hpe mung shapraw ya e law.

YAWHAN 17:10

Ngai lu malu gaw, na a rai nga ai; nang lu malu mung nye a rai nga ai rai nna, nye a hpung shingkang shanhte hta dan hkung li ai.

YAWHAN 17:5

Wa e! Ginding aga garai n lat kaw nna nang hte rau ngai lu nga ai hpung shingkang hpe ya aten hta na a man e ngai hpe jaw rit law.

YAWHAN 2:11

Shing rai Yesu gaw, Galile mung Hkana mare e ndai shawng nnan na lamik kumla hpe madun dan ai hte, dai yang e shi a hpung shingkang shadan dan wu ai rai nna, shi a sape ni mung, shi hpe kam sham ma ai.

YAWHAN 5:23

Dai rai nna masha ni gaw Kawa hpe hkungga ai hte maren, Kasha wa hpe mung hkungga na mara ai. Kasha wa hpe n hkungga ai masha kadai mung, Kasha wa hpe shangun dat ai Kawa hpe n hkungga ai wa rai nga ai.

YAWHAN 8:54

Yesu gaw, “Nye hkum hpe ngai shagrau nngai rai yang gaw, nye a arawng sadang hpa manu n rawng nga ai. Ngai hpe shagrau ai wa gaw nye Wa rai nga ai. Dai wa hpe nanhte a Karai Kasang re ai, nga nna nanhte tsun myit dai.

YAWHAN 9:24

Dai re ai majaw, dai hkritung nna myi n mu ai wa hpe lahkawng lang ngu na bai shaga la nhtawm, “Karai Kasang a man e teng man ai ga tsun na nngai ngu nna ga sadi jaw u, dai wa gaw yubak mara lu ai wa rai nga ai hpe anhte chye ga ai,” ngu nna shi hpe tsun mu ai.

YAWHAN 9:3

Yesu gaw, “Ndai wa a myi n mu ai lam gaw, shi a mara hte mung, kanu kawa ni a mara hte mung, hpa n seng nga ai. Shi myi n mu ai gaw Karai Kasang a n-gun atsam shi hta magam bungli galaw nga ai lam mu lu na matu rai nga ai.

ROMA 11:11

Yuda amyu masha ni gaw shanhte hten za hkrat sum mat hkra ahtu kataw wa ma sani? ngu nna san mayu nngai. Gara hku mung n hkrat sum ma ai! Shanhte yubak galaw ai majaw hkye hkrang la ai lam gaw maigan masha ni kaw du wa sai. Dai gaw Yuda masha ni manawn shara tai na matu rai nga ai.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

HPILIPI 1:20

Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

1 PETRU 4:14

Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.