YAWHAN 10:9 - Jinghpaw Common Language Bible 2009

⁹ Ngai gaw chyinghka hku rai nga nngai; ngai hta shang ai wa gaw, hkye hkrang la ai hkrum na wu ai rai nna, shang wa pru wa rai lu ai hte, wudat shara mu na wu ai.

Jinghpaw Hanson Version Bible

⁹ Ngai gaw chyinghka hku rai nga nngai: ngai hta shang ai wa gaw, hkye hkrang la hkrum na wu ai rai nna, shang wa pru wa rai lu ai hte, udat shara mu na wu ai.

YAWHAN 10:9 ပူးပေါင်းရင်းမြစ်များ

SHAKAWN KUNGDAWN 95:7

Shi gaw anhte a Karai Kasang rai nga ai; anhte gaw shi e lanu lahku tawn ai amyu masha ni; shi bau rem da nga ai sagu hpung ni rai nga ga ai. Shi tsun shaga ai ga ni hpe dai ni jang, madat la mu.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

EZEKELA 36:38

Madat da ai poi aten hta shagu hkungga ni hpe nawng ya na matu lai sai aten hta sagu ni hte hpring nga ai zawn, ya aten e, hten run mat sai mare ni mung amyu masha ni hte hpring nga na mara ai. Dai shaloi, shanhte gaw ngai nan dai Madu rai nga nngai hpe chye lu na mara ai,” ngu nna tsun ai.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

YAWHAN 10:1

Yesu gaw, “Ngai nanhte hpe teng teng tsun made ai gaw, sagu lawng de chyinghka lam hku n shang ai, kaga lam hku shingtawt shang ai wa gaw, lagut damya rai nga ai.

YAWHAN 10:3

Chyinghka sin ai wa mung, dai wa hpe gaw hpaw ya nga ai, sagu ni mung shi a nsen madat ma ai rai nna, shi gaw tinang a sagu ni hpe mying hte shaga nna shinggan de woi shapraw praw di wu ai.

YAWHAN 10:7

Dai re ai majaw Yesu shanhte hpe bai tsun mu ai gaw, “Ngai nanhte hpe kaja wa teng teng tsun made ga, ngai gaw sagu ni shang ai chyinghka hku rai nga nngai.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

EHPESU 2:18

Maigan masha ni hte Yuda masha ni rai nga ai anhte yawng gaw, Hkristu a marang e dai Wenyi langai sha hte Kawa a man de shang wa lu saga ai.