YAWHAN 10:6 - Jinghpaw Common Language Bible 2009

⁶ Yesu gaw ndai ga shadawn shanhte hpe tsun mu ai; rai ti mung shanhte gaw dai ga shadawn a sung ai lachyum hpe n chye na ma ai.

Jinghpaw Hanson Version Bible

⁶ Yesu gaw dai ga shadawn shanhte hpe tsun mu ai; rai timung shi hpa lam tsun ai gaw, shanhte n chye na ma ai.

YAWHAN 10:6 ပူးပေါင်းရင်းမြစ်များ

SHAKAWN KUNGDAWN 106:7

Egutu mung hta shanu nga ai anhte a kaji kawa ni gaw Karai Kasang a mauhpa magam amu ni hpe n chye na kau mu ai; shanhte hpe law law lang shi madun dan sai shi a tsaw ra myit hpe shanhte malap kau nna, shanhte gaw, dai Chyahtum Chyalai n-gun rawng ai Madu hpe pyi, dai Nawng Hkyen e gumlau ma ai.

SHAKAWN KUNGDAWN 82:5

“Nanhte gaw hpaji n chye nga myit hka! Kade sha angawk angak rai nga myit hka! Nanhte gaw tsep kawp hten run mat manit dai; teng man rap ra ai tara gaw ndai mungkan kaw na mat mat sai.

GA SHAGAWP 28:5

N hkru n shawp ai masha ni gaw teng man ai tara hpe n chye nga ma ti mung, Madu hpe nawku daw jau ai ni gaw dai hpe atsawm sha chye na nga ma ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

Daniela 12:10

Masha law law mung san seng wa na mara ai. N hkru ai ni chye na hkawn hkrang na ma ai n rai, rai ti mung n hkru ai hku sha hkan na mara ai; hpaji rawng ai ni chyu sha chye na hkawn hkrang wa na mara ai.

MAHTE 13:34

Yesu gaw shawa masha ni hpe ndai lam mahkra ga shadawn hku tsun dan mu ai. Ga shadawn hte n rai yang shi shanhte hpe hpa mung n tsun dan ga ai.

MAHTE 13:51

“Ndai lam mahkra hte hpe, nanhte chye da mu ni?,” ngu nna Yesu shanhte hpe san mu yang, shanhte gaw, “Chye nga ga ai,” ngu mu ai.

MARKU 4:34

Ga shadawn hte n rai yang gaw shi shanhte hpe hpa mung n tsun dan yu ai rai ti mung shi a sape ni hte rau shanhte hkrai rai nga ai ten hta, lam shagu shanhte hpe lachyum hpyan dan mu ai.

YAWHAN 16:25

“Ndai lam ni hpe ga shadawn ni hte ngai nanhte hpe tsun dan ma sade ai; rai ti mung ga shadawn hku n re ai sha Wa a lam nanhte hpe dan dan leng leng tsun dan na ahkying gaw du na ra ai.

YAWHAN 16:29

Shaloi shi a sape ni gaw, “Yu u, ya gaw ga shadawn n lang ai sha dan dan leng leng nang tsun nga nit dai.

YAWHAN 6:52

Dai shaloi Yuda masha ni gaw, “Ndai wa kaning di nna anhte hpe shi a ashan jaw sha lu na a ta?,” nga nna shanhte kata e pawt let tsun dangrang, san hkat nga ma ai.

YAWHAN 6:60

Dai re ai majaw shi a sape ni law law wa dai ga na jang, “Ndai sharin shaga ai ga gaw yak la nga ai rai nna, kadai wa dai hpe madat lu na i?,” nga ma ai.

YAWHAN 7:36

Shi gaw ‘Nanhte ngai hpe tam ti mung n mu na myit dai, ngai nga ai shara de mung nanhte n du lu na myit dai,’ nga ai ga gaw, hpa nga ai ga rai lu ai i?,” nga nna shada da tsun ma ai.

YAWHAN 8:27

Yesu gaw Kawa hpe sha-ang nna shanhte hpe tsun nga ai gaw shanhte n chye na ma ai.

YAWHAN 8:43

Ngai tsun ai lam hpe nanhte hpa rai n chye na myit ta? Dai gaw nanhte nye a mungga n madat la lu ai majaw rai nga myit dai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

2 PETRU 2:22

“Gwi gaw tinang a nhpat hpe nhtang sha ai,” bai “Wa gaw kashin ya ngut ai hpang hkum pup hta bai galwi nga ai,” nga ai ga shagawp gaw shanhte a matu teng nga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.