YAWHAN 10:4 - Jinghpaw Common Language Bible 2009

⁴ Sagu ni hpe shapraw nhtawm sagu ni a shawng e sa wa ai rai nna, sagu ni mung shi a nsen hpe chye chyap ma ai majaw shi kaw hkan nang ma ai.

Jinghpaw Hanson Version Bible

⁴ Shi a sagu nlang hte hpe woi shapraw nhtawm, sagu ni a shawng e sa wa wu ai rai nna, sagu ni mung shi a nsen hpe chye chyap ma ai majaw, shi kaw hkan nang ma ai.

YAWHAN 10:4 ပူးပေါင်းရင်းမြစ်များ

Shawlumon A Mahkawn Ga 2:8

Nye a tsaw ra nja wa a nsen hpe ngai na nngai. Shi gaw bum ni hpe kagat lai nna kawng ni hpe shingtawt ai hte ngai kaw du sa ai.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

MAHTE 16:24

Dai hpang Yesu gaw sape ni hpe, “Ngai hpang de sa wa mayu ai wa kadai rai ti mung, tinang hkum hpe nyet kau lu na rai nna, shi a wudang hpai let, ngai kaw hkan nang ru ga,

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

YAWHAN 10:3

Chyinghka sin ai wa mung, dai wa hpe gaw hpaw ya nga ai, sagu ni mung shi a nsen madat ma ai rai nna, shi gaw tinang a sagu ni hpe mying hte shaga nna shinggan de woi shapraw praw di wu ai.

YAWHAN 10:5

Tsasam wa a hpang kaw shanhte hkan nang ma ai n rai. Tsasam wa a nsen hpe n chye n chyap ma ai rai nna, shi kaw na she hprawng mat wa ma ai,” ngu nna shanhte hpe tsun mu ai.

YAWHAN 10:8

Nye a shawng e du sa ai ni nlang hte gaw, lagut damya ni rai nga ma ai; sagu ni mung shanhte a ga hpe n madat ya ma ai.

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

YAWHAN 13:15

Nanhte hpe ngai galaw sai zawn, nanhte mung hkan galaw myit ga, ngu nna ngai nanhte a matu kasi kamang tawn da ni ai.

YAWHAN 18:37

Dai re ai majaw Pilat gaw, “Rai taw, nang hkawhkam langai mi rai nga n ni?,” ngu nna san wu ai. Yesu gaw, “Ngai hkawhkam langai mi re ai nga nna nang tsun nga ndai. Ngai gaw dai teng man ai lam hkaw tsun na yaw shada ai lam langai mi a matu ngai shangai chyinghkai wa ni ai hte mungkan ga de du sa ring ngai. Dai teng man ai hte seng ai ni nlang hte gaw, nye a ga nsen madat ma ai,” ngu nna htan wu ai.

YAWHAN 3:29

Num nnan lu ai wa gaw la nnan rai nga ai; rai ti mung la nnan a makau e tsap nga nna, shi a ga madat la nga ai, la nnan wa a jinghku wa gaw, la nnan a nsen na la yang, ja ja kabu nga ai.

1 KORINHTU 11:1

Dai rai nna ngai gaw Hkristu a kasi hpe la ai zawn, nanhte mung nye a kasi hpe la mu.

EHPESU 5:1

Nanhte gaw Karai Kasang a tsaw ra ai kasha ni rai nga manit dai majaw, shi hte bung pre wa hkra shakut shaja lu na rai myit dai.

TARA JAHPRANG 1:30

Dai Madu nanhte a Karai Kasang gaw nanhte hpe woi awn nna Egutu mung hte nam mali e shi galaw nu ai zawn shi gaw nanhte a matu gasat ya na ra ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 6:20

Yesu gaw anhte a malai dai shara e anhte a shawng e du shang nga sai rai nna Melhkizedek a hkringhtawng lam hku htani htana hkinjawng agyi kaba tai wa sai.

1 PETRU 2:21

Dai hte maren nanhte galaw hkan sa na matu she, Karai Kasang gaw nanhte hpe shaga la manit dai; hpa majaw nga yang Hkristu shi hkum nan mung nanhte a matu nni nkri hkrum wu ai hte nanhte shi a hkang hta hkan nang lu myit ga, nanhte a matu ningli tawn da nu ai.

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.

1 PETRU 5:3

Nanhte bau maka na matu nanhte a lata hta ap da sai dai hpung hpe up Madu mayu ai myit hte n re ai sha dai sagu hpung a matu kasi ningli kaja ni tai nga mu.