YAWHAN 10:34 - Jinghpaw Common Language Bible 2009

³⁴ Shaloi Yesu gaw, “Nanhte a Tara laika hta Nanhte karai daw ni rai nga myit dai,” nga nna Karai Kasang tsun ai hpe ka da nga ai.

Jinghpaw Hanson Version Bible

³⁴ Shaloi Yesu gaw, “Nanhte Karai daw ni rai nga myit dai,” ngu nna ngai tsun made ai, nga nna nanhte a tara laika hta ka da nga ai n rai malit ni?

YAWHAN 10:34 ပူးပေါင်းရင်းမြစ်များ

SHAKAWN KUNGDAWN 138:1

Madu e, nye a myit masin mahkra hte nang hpe ngai chyeju shakawn nga nngai. hpara ni a man e, nang hpe ngai mahkawn shakawn nga nngai.

SHAKAWN KUNGDAWN 82:1

Karai Kasang gaw sumsing lamu na kongsi hpe woi awn nga ai; karai ni a zup hpawng hta shi a daw dan ai lam hpe tsun dan nga ai;

PRU MAT 22:28

“Karai Kasang hpe n sawn n sang hkum rai et; na a amyu masha ni hta na ningbaw wa hpe hkum matsa et.

PRU MAT 4:16

Shi gaw na a malai ga shaga ya nna amyu masha ni hpe na a matu mung shiga shana ya na ra ai. Nang mung Karai Kasang zawn tai nna kaning ngu tsun na lam shi hpe tsun dan na ndai.

PRU MAT 7:1

Dai Madu gaw, “Ngai gaw nang hpe hkawhkam wa a ntsa e Karai Kasang zawn san da nna, na a nhpu Arun mung na a myihtoi zawn shi hpe tsun na ra ai.

YAWHAN 10:35

Karai Kasang gaw shi a mungga jaw da hkrum sai ni hpe ‘karai daw ni,’ ngu nna shamying mu ai rai nna, Chyum Laika hta tsun ai ga ni gaw galoi mung teng man nga ai hpe anhte chye ga ai.

YAWHAN 12:34

Shing nga ai majaw shawa masha ni gaw, “Meshia gaw htani htana asak hkrung nga na ra ai, nga nna she anhte a Tara laika hta anhte hpe tsun da mi ai. Dai rai yang, Meshia gaw sharawt da ai hkrum lu na ra ai, ngu nna nang kaning ngu tsun lu n ta? Masha Kasha dai gaw kadai wa mi rai ta?,” ngu nna shi hpe htan mu ai.

YAWHAN 15:25

Rai ti mung dai gaw, ‘Mara n nga ti mung, shanhte ngai hpe n dawng n yawt ma ai,’ nga nna shanhte a Tara Laika hta ka da ai ga dik wa na matu rai nga ai.

YAWHAN 8:17

Nanhte a Tara laika hta, ‘Sakse lahkawng yan tsun ai lam myit hkrum jang, shanhte tsun ai ga teng nga ai,’ nga nna ka da nga ai.

1 KORINHTU 14:21

Dai Chyum Laika hta ka da nga ai gaw, “Nye a amyu masha ni hpe, laklai ai ga amyu myu tsun ai ni a n-gup shinglet hte ngai tsun na mawe ai; maigan tsasam masha ni a n-gup hte ngai tsun na mawe ai, rai ti mung nye a amyu ni nye a ga hpe madat na ma ai n rai, nga nna dai Madu tsun nga ai.”