YAWHAN 10:10 - Jinghpaw Common Language Bible 2009

¹⁰ Lagut gaw, lagu na, sat na, hpya sha na, nga nna she sa ai. Ngai chyawm gaw, sagu ni asak hkrung lu na hte dai asak hpe nhpaw n-ya lu la mu ga ngu nna sa ring ngai.

Jinghpaw Hanson Version Bible

¹⁰ Lagut gaw, lagu na, sat na, hpya sha na nga nna she sa ga ai: ngai chyawm gaw, sagu ni asak hkrung lu na hte nhpaw n-ya lu la mu ga, ngu nna, sa ring ngai.

YAWHAN 10:10 ပူးပေါင်းရင်းမြစ်များ

LUKA 19:10

Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

YAWHAN 12:47

Nye a mungga na la nhtawm dai hpe n hkan nang ai wa kadai hpe mung, ngai jeyang na n rai; hpa majaw nga yang, mungkan ga hpe jeyang na matu ngai du sa nngai n rai, dai hpe hkye la na matu she sa nngai.

YAWHAN 6:33

Hpa majaw nga yang, Karai Kasang jaw ai muk ngu ai gaw, sumsing lamu na yu wa nna mungkan ga hpe asak jaw ai wa hpe ngu ai rai nga ai,” ngu nna shanhte hpe tsun mu ai.

YAWHAN 3:17

Karai Kasang gaw shi a Kasha hpe mungkan ga de shangun dat ai gaw, mungkan masha ni hpe tara dara na matu n rai, shi a marang e hkye hkrang la ai hkrum na she, shangun dat wu ai.

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.

YAWHAN 10:1

Yesu gaw, “Ngai nanhte hpe teng teng tsun made ai gaw, sagu lawng de chyinghka lam hku n shang ai, kaga lam hku shingtawt shang ai wa gaw, lagut damya rai nga ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

2 PETRU 1:11

Dai lam hku hkan sa myit yang gaw, anhte a Madu hte hkye hkrang la ai Yesu Hkristu a htani htana re ai mungdan de shang lu na ahkang nanhte hpe hpring hpring tsup tsup jaw ya na marin dai.

HEBRE 6:17

Karai Kasang gaw shi a shatawng shada ai lam hpe galai shai kau shangun na n re ai lam ga sadi hte seng ai sali wunli hkam la ai ni hpe asan sha madun dan mayu wu ai; dai re ai majaw, shi a ga sadi hta dagam ai ga jat bang wu ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

ROMA 2:21

nang gaw masha kaga ni hpe sharin achyin ai wa rai nga da nhtawm me, na hkum hpe gaw n sharin achyin nga nna “Hkum lagu,” ngu nna hkaw tsun nhtawm nang nan lagu nga n ni?

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

YAWHAN 12:6

Shi shing nga nna tsun ai gaw, matsan mayan ni hpe matsan dum ya nna tsun ai n rai, shi gaw gumhpraw jan jum ai wa rai nga ai rai nna, bang da ai gumhpraw hta na sen di sha ai lagut rai nga ai majaw tsun ai sha rai nga ai.

MAHTE 21:13

“Nye a nta hpe akyu hpyi ai nta ngu na mu ai, nga nna Karai Kasang tsun ai hpe Chyum Laika ni hta ka da nga ai. Rai ti mung nanhte gaw, dai hpe damya lungpu shatai nga myit dai,” ngu nna shanhte hpe tsun mu ai.

YAWHAN 5:40

Dai re ai mi, asak hkrung ai lu la na matu nanhte gaw ngai hpang de n sa mayu myit dai.

YAWHAN 10:11

Ngai gaw sagu rem wa kaja rai nngai. Sagu rem wa kaja gaw sagu ni a matu tinang a asak nawng kau ya lu ai.

MAHTE 18:11

Dai Masha Kasha gaw mat mat ai ni hpe hkye la na matu du sa ai rai nga ai.