YAWHAN 1:7 - Jinghpaw Common Language Bible 2009

⁷ Karai Kasang a mungga hpe masha yawng na la nna kam sham wa mu ga nga, dai wa gaw dai nhtoi a lam sakse hkam ya na matu du sa ai.

Jinghpaw Hanson Version Bible

⁷ dai wa gaw, dai nhtoi a lam sakse hkam ya nna, yawng mayawng shi a jaw e kamsham mu ga nga, sakse sa tai na matu, du sa ai.

YAWHAN 1:7 ပူးပေါင်းရင်းမြစ်များ

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

YAWHAN 1:12

Rai ti mung nkau mi shi hpe hkap la kam sham ma ai rai nna, shi gaw shanhte hpe Karai Kasang a kasha ni tai lu ai ahkang jaw mu ai.

YAWHAN 1:15

Shi a lam Yawhan sakse hkam ya wu ai gaw, “Nye a hpang e du sa ai wa gaw, ngai garai n shangai kaw nna nga nga sai wa rai nna, ngai hta grau kaba ai wa rai nga ai, ngu nna ngai sakse hkam ya ai wa gaw ndai wa nan rai nga ai,” ngu nna jahtau tsun ai.

YAWHAN 1:19

Yerusalem mare na ahkang aya lu ai Yuda masha ni gaw hkinjawng agyi ni hte Lewi masha nkau mi hpe Yawhan hpang de shangun dat nna, “Nang gaw kadai rai nga n ta?,” ngu nna san mu ai.

YAWHAN 1:36

Yesu lai sa wa ai hpe Yawhan mu wu yang, “Karai Kasang a Sagu Kasha hpe yu yu mu!,” ngu mu ai.

YAWHAN 1:9

Dai nhtoi gaw mungkan ga de du sa nna, masha nlang hte a ntsa e jahtoi ya ai nhtoi majing rai nga ai.

KASA 19:4

Shaloi Pawlu gaw, “Yawhan a hkalup lam gaw yubak mara kaw na myit malai lu ai ni a matu jaw ai she rai nna, shi a hpang e sa ai Yesu ngu ai wa hpe mahtang kam sham ra ai,” ngu nna Israela masha ni hpe tsun mu ai.

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

EHPESU 3:9

Karai Kasang a makoi magap da ai yaw shada ai lam gara hku byin tai wa na ra ai lam masha yawng hpe mu chye shangun na matu mung Karai Kasang gaw dai ahkaw ahkang ngai hpe jaw ni ai, nga yawng nga pra hpe hpan da ai Karai Kasang gaw shi a sung htum ai lam hpe prat mi hte prat mi kaw nna makoi magap da wu ai.

1 TIMOHTI 2:4

Shi gaw masha yawng mayawng hkye la hkrum nna, dai teng man ai lam hpe chye chyang wa lu na matu ra sharawng nga ai.

TITU 2:11

Hpa majaw nga yang, Karai Kasang gaw masha amyu yawng hpe shi a hkye hkrang la ai chyeju shapraw shadan dan nu ai.

2 PETRU 3:9

Masha nkau mi myit ai zawn, Karai Kasang gaw shi a ga sadi jaw da sai lam hpe galaw shadik na matu aten la nna lanyan taw nga ai n rai; rai ti mung yawng mayawng yubak mara kaw na kayin wa nna kadai mung hten bya ai n hkrum u ga, shi ra nga ai majaw shi nanhte a ntsa e, myit galu nga ai majaw rai nga ai.