YAWHAN 1:5 - Jinghpaw Common Language Bible 2009

⁵ Dai nhtoi gaw nsin hta e htoi nga ai rai nna, nsin mahtang gaw nhtoi hpe galoi mung ka-up kau lu ai n rai.

Jinghpaw Hanson Version Bible

⁵ Dai nhtoi gaw nsin hta htoi nga ai rai nna, nsin mahtang gaw dai hpe n chye hkap la wu ai.

YAWHAN 1:5 ပူးပေါင်းရင်းမြစ်များ

GA SHAGAWP 1:22

“Angawk ai masha ni e! Nanhte gaw gade na hkra, angawk angak rai mayu nga myit ni? Nanhte gaw gade na hkra, machye machyang hpaji hpe mani asawng ai hta kabu sharawng nga na ngu nga myit ni? Nanhte gaw galoi mung n hprang sana manit dai kun?

MAHTE 5:15

Pyengdin langai mi hpe shatu nhtawm mung npu e kadai n tawn da yu ai. Shing rai na malai, nta masha ni yawng hpe nhtoi jaw lu hkra, pyengdin shadun hta tawn da ga ma ai.

YAWHAN 1:10

Mungga gaw mungkan ga e nga nga ai hte, Karai Kasang gaw mungkan ga hpe dai Mungga hku nna hpan da nu ai; rai ti mung mungkan ga mahtang dai Mungga hpe n chye wu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.