YAWHAN 1:4 - Jinghpaw Common Language Bible 2009

⁴ Mungga gaw asak a npawt daju rai nga ai; dai asak gaw masha ni a matu nhtoi rai nga ai.

Jinghpaw Hanson Version Bible

⁴ Shi hta asak daju rai nga ai; dai asak gaw masha ni a nhtoi rai nga ai.

YAWHAN 1:4 ပူးပေါင်းရင်းမြစ်များ

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 4:16

nsin kata e nga pra nga ai masha ni gaw, nhtoi kaba hpe mu lu na mara ai, si ai mung hte de a shingnip kata e nga pra nga ai ni a ntsa de nhtoi dawng pru na ra ai,” nga nna htawn tsun ai.

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

YAWHAN 11:25

Yesu gaw, “Ngai gaw bai hkrung rawt ai lam hte asak hkrung ai lam rai nga nngai. Ngai hpe kam sham ai wa kadai mung, shi si mat ti mung, ahkrung nga na ra ai.

YAWHAN 12:35

Yesu gaw, “Dai nhtoi gaw nanhte hta loi hkring mi sha nga nga na sai; dai nsin gaw nanhte hpe garai n ka-up lep myit ga, nanhte hta nhtoi naw nga nga yang, matut nna hkawm sa mu, hpa majaw nga yang, nsin hta hkawm sa ai wa gaw, tinang gade sa wa nga ai mung, n chye wu ai.

YAWHAN 12:46

Ngai hpe kam sham ai masha shagu gaw nsin hta n rawng nga u ga ngu nna nhtoi tai let, ngai mungkan ga de du sa ring ngai.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

YAWHAN 3:19

Tara dara ai masa lam ndai hku rai nga ai; nhtoi gaw ndai mungkan ga de du sa sai, rai ti mung masha ni a arawn alai n shawp nga malu ai majaw, shanhte gaw nsin hpe nhtoi hta grau tsaw ma ai. Dai gaw tara dara hkrum ai lam nan rai nga ai.

YAWHAN 5:21

Kawa gaw si ai ni hpe jahkrung sharawt la nna asak jahkrung ya ai zawn Kasha wa mung shi ra ai ni hpe asak jahkrung ya wu ai.

YAWHAN 5:26

Kawa gaw shi hkum dai asak daju rai nga ai hte maren, shi gaw Kasha wa hpe mung asak daju shatai nu ai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

YAWHAN 9:5

Ngai gaw mungkan ga e naw nga ai hte yang, mungkan ga a nhtoi rai nga nngai,” ngu nna htan mu ai.

KASA 26:23

Meshia gaw nni nkri hkrum lu na hte si ai ni kaw na shawng hkrung rawt wa nna, Israela amyu masha ni hte maigan masha ni hpe hkye hkrang la ai nhtoi hkaw tsun shana ya na ra ai ngu ai lam myihtoi ni hte Mawshe hkaw tsun lai wa sai hte maren byin wa na ra ai ngu ai lam rai nga ai,” ngu wu ai.

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

KOLOSE 3:4

Nanhte a asak majing gaw Hkristu rai nna, shi bai dan pru ai shaloi anhte mung shi hte rau hpung shingkang hta dan pru na raga ai.

1 YAWHAN 1:1

Shawng npawt kaw nna nga nga ai dai asak hkrung ai mungga a lam nanhte hpang de anhte ka dat ga ai. Anhte dai hpe na yu saga ai, myi hte mung mu yu saga ai, rai sa anhte mu yu saga ai rai nna anhte a lata ni hte hkra yu saga ai.

1 YAWHAN 1:2

Dai asak gaw dan pru wa ai shaloi e anhte dai hpe mu yu saga ai. Dai rai nna anhte de a lam sakse hkam ya ga ai. Kawa hte rau nga nga yu sai dai htani htana asak gaw anhte hta dan pru wa ai rai nna anhte gaw dai asak a lam nanhte hpe gawn dan ga ai.

1 YAWHAN 5:11

Dai sakse ga chyawm gaw da ndai rai nga ai; Karai Kasang gaw anhte hpe n htum n wai asak jaw mani ai rai nna, dai asak a npawt nhpang gaw Kasha wa nan rai nga ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.