YAWHAN 1:32 - Jinghpaw Common Language Bible 2009

³² Dai hpang Yawhan gaw, “Wenyi gaw sumsing lamu de nna hkrudu zawn yu hkrat wa nna, shi a ntsa e nga nga ai.

Jinghpaw Hanson Version Bible

³² Dai hta kaga Yawhan gaw, “Wenyi gaw sumsing lamu de nna hkrudu zawn yu hkrat wa ai hpe, ngai mu se ai: dai wenyi mung shi a ntsa e nga nga ai.

YAWHAN 1:32 ပူးပေါင်းရင်းမြစ်များ

ESAIA 11:2

Dai Madu a wenyi gaw shi hpe hpaji byeng-ya, chye chyang ai nyan hte kung kyang ai hpaji jaw ya na ra ai. Shi gaw shi a amyu masha ni hpe up hkang na ra ai. Shi gaw dai Madu a myit ra ai hpe chye nna, shi hpe shagrau sha-a na ra ai,

MAHTE 3:16

Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

MARKU 1:10

Shaloi jang dai hka hta na pru lung wa yang, sumsing lamu hpaw malang wa nna dai Wenyi gaw hkrudu langai mi zawn shi a ntsa e yu hkrat wa ai hpe shi mu wu ai.

LUKA 3:22

Dai Chyoi Pra ai Wenyi gaw hkrang dan dan shi a ntsa e hkrudu zawn yu hkrat wa nna, “Nang gaw nye a tsaw ra ai Kasha rai nga ndai; nang hta ngai sharawng awng nngai law,” nga nna lamu de na nsen du pru ai.

YAWHAN 1:31

Shi kadai re ai mung ngai n chye nngai, rai ti mung Israela amyu masha ni shi hpe chye lu hkra shadan dan na matu, hka hte hkalup jaw na ngai du sa nngai,” nga ai.

YAWHAN 1:7

Karai Kasang a mungga hpe masha yawng na la nna kam sham wa mu ga nga, dai wa gaw dai nhtoi a lam sakse hkam ya na matu du sa ai.

YAWHAN 5:32

Rai ti mung nye a lam sakse hkam ya ai wa kaga langai mi she nga ai. Dai wa nye a lam tsun sakse hkam ya ai lam gaw teng man nga ai hpe ngai chye nngai.