YAWHAN 1:18 - Jinghpaw Common Language Bible 2009

¹⁸ Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

Jinghpaw Hanson Version Bible

¹⁸ Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.

YAWHAN 1:18 ပူးပေါင်းရင်းမြစ်များ

NINGPAWT NINGHPANG 16:13

Hagara gaw shi hkum hpe, “Ngai gaw Karai Kasang hpe mu lu sai hte dai lam hpe htawn tsun na matu teng teng asak hkrung nga nngai kun?,” ngu nna dinglik yu wu ai. Dai rai nna shi hte ga tsun ai dai Madu hpe, “Nang gaw mu lu ai Karai Kasang rai nga ndai,” ngu nna shamying wu ai.

NINGPAWT NINGHPANG 18:33

Abraham hte shaga ngut ai hpang dai Madu mung wa mat wa nna Abraham mung shi a dum nta de nhtang mat wa wu ai.

PRU MAT 23:21

Shi a man e sadi mu, shi a ga hpe madat mu. Ngai shi hpe shangun da ni ai rai nna shi hpe hkum gumlau nga myit. Dai zawn re ai gumlau lam hpe shi mara dat ya na ra ai n rai.

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

GA SHAGAWP 8:30

Ngai gaw shi a makau e nta hpe gaw gap ai ninghkrin wa zawn nga nga nngai; ngai gaw shi a shani shagu na kabu gara ai a npawt tai nga nna, shi a man e, tut nawng kabu gara nga nngai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

SHARUNG SHAYAWT 2:12

Kawsi kyet ai ni hte hpang gara ai ma ni gaw shanhte a kanu ni hpe hpyi jahtau ma ai; Shanhte ni gaw hkala nba hkrum ai ni zawn mare nmaw lam ni hkan kadawng taw ma ai, Shanhte a kanu ni a lahpyen hta angwi ngwi sha nsa htum mat ma ai.

BU HKAWM 12:8

Dai re ai majaw ngai shi hpe ga tsun yang gumwai ga hku ngai tsun ai n rai; shi hte myi man hkrum rai nna dan dan leng leng sha ngai tsun nngai; shi gaw ngai hpe pyi mu nu hka! Nan gaw nye a shangun ma Mawshe hpe mara shagun gwi nga myit ni?,” ngu nna tsun wu ai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

LUKA 10:22

“Nye Wa gaw arai yawng mayawng ngai hpe ap ya ni ai, Kasha wa kadai rai nga ai hpe Wa hta kaga kadai mung n chye ai, Wa kadai re ai mung, Kasha wa hte dai Kasha e shadan dan na matu lata la ai wa hta kaga kadai mung n chye nga ai.”

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 12:41

Esaia gaw Yesu a hpung shingkang hpe mu lu ai rai nna, shi a lam shing nga tsun ai rai nga ai.

YAWHAN 13:23

Shaloi Yesu tsaw ra ai sape langai mi gaw, Yesu a hkra maga de yep rai dung nga ai.

YAWHAN 14:9

Yesu gaw, “Hpilip e, ngai nanhte hte nde nlaw na hkra nga nga sati mung, nang ngai hpe n chye n ni? Ngai hpe mu yu ai wa gaw, Wa hpe mu yu nu ai; dai re ai mi, ‘Wa hpe anhte e madun dan mi,’ nga nna hpa rai tsun n ta?

YAWHAN 17:26

Nang ngai hpe tsaw ra ai tsaw ra n-gaw nwai myit gaw, shanhte hta e mung rawng nga nna ngai mung shanhte hta anga nga na matu, na a lam shanhte hpe shachye shachyang mase ai, matut nna mung shachye shachyang na mawe ai,” nga ai.

YAWHAN 17:6

Ndai mungkan ga na nang ngai hpe ap ya da ai masha ni hpe ngai chye na shangun sai. Nang shanhte hpe madu da nga ndai rai nna shanhte hpe ngai e jaw nit dai, shing rai shanhte mung na mungga hpe madat mara hkan shatup masai.

YAWHAN 3:11

Ngai nang hpe kaja wa teng teng tsun de ga, anhte gaw tinang chye ai lam hpe tsun ga ai, rai ti mung nanhte langai mi mung anhte a sakse ga hpe n hkap la myit dai.

YAWHAN 6:46

Shing nga ai rai ti mung, shinggyim masha langai ngai nye Wa hpe mu yu sai ngu nna tsun mayu ai n rai. Karai Kasang kaw nna du sa ai wa shi langai chyu sha Wa hpe mu yu nu ai.

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

TARA JAHPRANG 4:12

Dai Madu gaw wan kata kaw na nanhte hpe kaning rai ga shaga myit dai hpe mung, shi a hkum hkrang hpe n mu lu ti mung shi shaga ai ga hpe nanhte kaning rai na lu myit dai lam hpe mung, shanhte hpe tsun mu.

KOLOSE 1:15

Hkristu gaw myi hte n mu lu ai Karai Kasang hpe madun ai myi hte mu lu ai hkrang bung sumla rai nga ai. Shi gaw Kasha alat rai nna hpan da ai arai yawng mayawng hta ningtawn ai wa rai nga ai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

YAWSHU 5:13

Yawshu gaw Yerihko mare makau e nga nga yang, shi a man e nhtu lang nna tsap nga ai masha langai mi hpe akajawng sha mu dat wu ai. Bai Yawshu gaw shi hpang de sa wa nhtawm, “Nang gaw anhte a hpyenla langai ngai rai nga n ni? Shing n rai gumlau hpyen rai nga n ni?,” ngu nna san wu ai.

1 YAWHAN 4:12

Karai Kasang hpe kadai mung galoi mung n mu yu ai rai ti mung anhte shada da tsaw ra nga ga yang gaw, Karai Kasang gaw anhte hte langai sha tai nna nga nga ai rai nna, shi a tsaw ra ai myit gaw anhte hta kup tsup wa lu na ra ai.

1 YAWHAN 4:20

Marai langai ngai, ngai gaw Karai Kasang hpe tsaw ra nga nngai, nga nhtawm me, shi a kahpu kanau wa hpe n dawng n yawt nga a yang gaw, dai wa gaw masu ai wa rai nga ai. Hpa majaw nga yang, tinang mu lu ai kahpu kanau wa hpe n tsaw ra a yang gaw, tinang n mu lu ai Karai Kasang hpe tsaw ra lu na n rai.

1 YAWHAN 4:9

Anhte gaw Kasha a marang e htani htana asak lu la mu ga nga, Karai Kasang gaw shi a Kasha shingtai hpe mungkan ga de shangun dat wu ai hte Karai Kasang anhte hpe tsaw ra ai lam madun mani ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.